മലപ്പുറം: പരസ്യപ്രതികരണങ്ങളില് നിന്നു പിന്മാറണമെന്ന പാര്ട്ടി വിലക്ക് ലംഘിച്ച് നിലമ്പൂര് എംഎല്എ പിവി അന്വര് വീണ്ടും മാധ്യമങ്ങള്ക്കു മുന്നിലേക്ക്. ഇന്നു വൈകിട്ട് നാലരയ്ക്കു മാധ്യങ്ങളുടെ കാണുമെന്ന് അന്വര് ഫെയ്സ്ബുക്ക് കുറിപ്പില് പറഞ്ഞു. ആത്മാഭിമാനം തനിക്കിത്തിരി കൂടുതലാണെന്നും അന്വര് കുറിപ്പില് പറഞ്ഞു.
''വിശ്വാസങ്ങള്ക്കും, വിധേയത്വത്തിനും,താല്ക്കാലികതയ്ക്കും അപ്പുറം ഓരോ മനുഷ്യനിലും ഉള്ള ഒന്നാണു ആത്മാഭിമാനം.
അതിത്തിരി കൂടുതലുണ്ട്. 'നീതിയില്ലെങ്കില് നീ തീയാവുക'എന്നാണല്ലോ.. ഇന്ന് വൈകിട്ട് നാലരയ്ക്ക്
മാധ്യമങ്ങളെ കാണുന്നുണ്ട്. '- അന്വറിന്റെ കുറിപ്പ് ഇങ്ങനെ.
പരസ്യപ്രതികരണങ്ങളില് നിന്നും അന്വര് പിന്മാറണമെന്ന് കഴിഞ്ഞയാഴ്ച പാര്ട്ടി ആവശ്യപ്പെട്ടിരുന്നു. പാര്ട്ടിയേയും മുന്നണിയേയും ദുര്ബലപ്പെടുത്തുന്നതാണ് അന്വറിന്റെ നടപടികളെന്നാണ് സിപിഎം വിലയിരുത്തിയത്. അന്വറിന്റെ ആരോപണങ്ങള് ശത്രുക്കള്ക്ക് പാര്ട്ടിയെയും സര്ക്കാരിനെയും ആക്രമിക്കാനുള്ള ആയുധമായി മാറി. അന്വറിനോട് ഒരു തരത്തിലും യോജിപ്പില്ലെന്നും സിപിഎം സംസ്ഥാന സെക്രട്ടേറിയറ്റ് പ്രസ്താവനയില് വ്യക്തമാക്കി
പി വി അന്വര് പാര്ട്ടിക്കും മുഖ്യമന്ത്രിക്കും ചില പരാതികള് നല്കിയിട്ടുണ്ട്. ഇതില് മുഖ്യമന്ത്രി അന്വേഷണത്തിന് ഉത്തരവിട്ടിട്ടുണ്ട്. പാര്ട്ടിക്ക് നല്കിയ പരാതിയിലും അന്വേഷണം നടക്കും. എന്നാല് ഇതുമായി ബന്ധപ്പെട്ട് അന്വര് പരസ്യ പ്രതികരണങ്ങള് തുടരുകയാണ്. ഇത് ാെരു കാരണവശാലും അംഗീകരിക്കാന് സാധിക്കുന്നതല്ലെന്ന് സിപിഎം സെക്രട്ടേറിയറ്റ് പറയുന്നു.
ഇത്തരം നിലപാടുകള് തിരുത്തി അന്വര് പാര്ട്ടിയെ ദുര്ബലപ്പെടുത്തുന്ന സമീപനത്തില് നിന്നും പിന്തിരിയണമെന്നും സിപിഎം സംസ്ഥാന സെക്രട്ടേറിയറ്റ് പ്രസ്താവനയില് ആവശ്യപ്പെട്ടു.
Content Summary: 'Self-esteem, too high'; PV Anwar said that he will meet the media at 4:30
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !