💔 നടി ഹരിത ജി. നായരും എഡിറ്റർ വിനായകും വിവാഹബന്ധം വേർപെടുത്തി

കൊച്ചി: യുവനടി ഹരിത ജി. നായരും (Haritha G Nair) എഡിറ്റർ വിനായകും (Vinayak) വിവാഹബന്ധം വേർപെടുത്തി. രണ്ട് വർഷത്തെ ദാമ്പത്യ ജീവിതത്തിന് ശേഷമാണ് ഇരുവരും വേർപിരിയുന്ന വിവരം സോഷ്യൽ മീഡിയയിലൂടെ ആരാധകരെ അറിയിച്ചത്.

2023 നവംബറിലായിരുന്നു ഇരുവരുടെയും വിവാഹം. ഒന്നര വർഷമായി ഇരുവരും പിരിഞ്ഞു താമസിക്കുകയായിരുന്നു. വേർപിരിയലിന്റെ കാരണം തികച്ചും വ്യക്തിപരമാണെന്നും തങ്ങൾക്കിടയിൽ മാത്രം നിലനിൽക്കുമെന്നും ഹരിത പ്രസ്താവനയിൽ വ്യക്തമാക്കി. സുഹൃത്തുക്കളായി തുടരാൻ ആഗ്രഹിക്കുന്നുവെന്നും താരം അറിയിച്ചു.

ഇരുവരുടെയും വേർപിരിയൽ വാർത്തയ്ക്ക് പിന്നാലെ, വിവാഹ സമയത്ത് ഇവർ പങ്കുവെച്ച വാക്കുകൾ ശ്രദ്ധേയമാകുകയാണ്.

ഹരിത, തങ്ങളുടേത് 'അറേഞ്ച്ഡ് മാര്യേജ്' ആണെന്ന് പറഞ്ഞപ്പോൾ, തനിക്കിത് പ്രണയ വിവാഹമാണെന്ന് വിനായക് പ്രതികരിച്ചിരുന്നു. കുട്ടിക്കാലം മുതലുള്ള സുഹൃത്തുക്കളാണ് ഇരുവരും. വിവാഹത്തെക്കുറിച്ച് നേരത്തെ മാതാപിതാക്കൾ ചോദിച്ചെങ്കിലും അന്ന് തങ്ങൾക്ക് അങ്ങനെയൊന്നും ഇല്ലായിരുന്നുവെന്ന് വിനായക് പറഞ്ഞിരുന്നു.

"ജീവിതത്തിൽ ഇങ്ങനെയൊരു വിവാഹം നടക്കുമെന്ന് വിചാരിച്ചതല്ല. ബാക്കി വരുന്നിടത്ത് വെച്ച് കാണാം," എന്നും "സങ്കൽപ്പത്തിലുള്ള ഭർത്താവ് അല്ല ലഭിച്ചത്, ആർക്കും അങ്ങനെ ലഭിക്കില്ല" എന്നും ഹരിത അന്ന് അഭിപ്രായപ്പെട്ടിരുന്നു.

ജീത്തു ജോസഫ് സിനിമകളിലെ എഡിറ്റർ എന്ന നിലയിൽ ശ്രദ്ധേയനാണ് വിനായക്. ദൃശ്യം 2, ട്വൽത് മാൻ, നുണക്കുഴി, നേരം തുടങ്ങിയ സിനിമകൾ എഡിറ്റ് ചെയ്തത് വിനായക് ആണ്. 'കസ്തൂരിമാൻ' എന്ന സീരിയലിലെ ശ്രീക്കുട്ടി എന്ന കഥാപാത്രത്തിലൂടെയാണ് ഹരിത ശ്രദ്ധേയ ആകുന്നത്. ഇതിനുശേഷം, 'തിങ്കൾകലമാൻ', 'ശ്യാമാമ്പരം' എന്നീ സീരിയലുകളിൽ അഭിനയിച്ചു. 'ചെമ്പരത്തി' ആണ് ഏറ്റവും പുതിയ സീരിയൽ.

ബാല്യകാല സുഹൃത്തുക്കളായ ഇവർ പെട്ടെന്ന് വേർപിരിഞ്ഞത് ആരാധകരിൽ ആശങ്കയുണ്ടാക്കിയിട്ടുണ്ട്.

Content Summary: 💔 Actress Haritha G. Nair and editor Vinayak have separated.

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: