മലപ്പുറം: പൗരത്വ ഭേദഗതി ബില്ലിനെതിരെ മുസ്ലിം യൂത്ത്ലീഗ് സംസ്ഥാന കമ്മിറ്റി നടത്തുന്ന ഡേ നൈറ്റ് മാർച്ചിന് പൂക്കോട്ടൂർ പിലാക്കലിൽ തുടക്കമായി. പൂക്കോട്ടൂർ രക്തസാക്ഷികളുടെ കബറിടത്തിൽ പ്രാർത്ഥനയ്ക്ക് ശേഷമാണ് സയ്യിദ് മുനവ്വറലി ശിഹാബ് തങ്ങൾ, പി.കെ ഫിറോസ് എന്നിവരുടെ നേതൃത്വത്തിൽ മാർച്ചിന് തുടക്കം കുറിച്ചത്.
ഒരു വിഭാഗത്തെ മാറ്റി നിര്ത്താനുള്ള ഏത് നീക്കത്തെയും ചെറുത്തു തോൽപ്പിക്കുമെന്ന് മാർച്ച് ഉദ്ഘാടനം ചെയ്ത് പാണക്കാട് സയ്യിദ് ഹൈദരലി ശിഹാബ് തങ്ങൾ പറഞ്ഞു. മുസ്ലിം യൂത്ത്ലീഗ് വൈസ് പ്രസിഡന്റ് നജീബ് കാന്തപുരം അധ്യക്ഷത വഹിച്ചു.
പാണക്കാട് സയ്യിദ് സാദിഖലി ശിഹാബ് തങ്ങൾ, മുസ്ലിംലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി എം.പി, ഓർഗനൈസിംഗ് സെക്രട്ടറി ഇ.ടി മുഹമ്മദ് ബഷീർ എം.പി, ട്രഷറർ പി.വി അബ്ദുൾ വഹാബ് എം.പി, തുടങ്ങിയവർ പ്രസംഗിച്ചു. പൂക്കോട്ടൂരിൽ നിന്ന് 30 കിലോമീറ്റർ താണ്ടി ഇന്നലെ അർദ്ധ രാത്രി ഫറോക്ക് ചുങ്കത്ത് മാർച്ച് സമാപിച്ചു.
ഇന്നു രാവിലെ ഒന്പതിന് ചുങ്കത്ത് നിന്ന് വീണ്ടും മാർച്ച് പ്രയാണം ആരംഭിക്കും. വൈകിട്ട് കടപ്പുറത്ത് നടക്കുന്ന സമാപന സമ്മേളനം പാണക്കാട് സയ്യിദ് സാദിഖലി ശിഹാബ് തങ്ങൾ ഉദ്ഘാടനം ചെയ്യും. പ്രതിപക്ഷ നേതാവ് രമേശ് ചെന്നിത്തല മുഖ്യാതിഥിയാകും.
പൗരത്വ ഭേദഗതി നിയമത്തില് പ്രതിഷേധിച്ച് മുസ്ലിം യൂത്ത്ലീഗ് രാപ്പകല് മാര്ച്ച് "തത്സമയം "
Download Mediavision TV Apps and watch Live TV and read latest news in your mobile. You can opt to receive breaking news notifications to your phone.
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !