കൊറോണ വൈറസ് ബാധയെത്തുടര്ന്ന് ചൈന അഞ്ചുനഗരങ്ങള് പൂര്ണമായി അടച്ചു. വൈറസ് ബാധ നിയന്ത്രണവിധേയമാക്കുന്നതിലേക്കാണ് ഈ നടപടി. വൈറസ് ആദ്യം റിപ്പോര്ട്ടുചെയ്ത വുഹാനു പിന്നാലെ ഹുബൈ പ്രവിശ്യയിലെ ഹുവാങ്ഗാങ്, ഇജൗ, ഷിജിയാങ്, ക്വിയാന് ജിയാങ് എന്നിവയാണ് അനിശ്ചിതകാലത്തേക്ക് അടച്ചത്.
വുഹാന് നഗരത്തിലേക്കും നഗരവാസികള് പുറത്തേക്കും യാത്രചെയ്യുന്നത് ബുധനാഴ്ച നിരോധിച്ചിരുന്നു. നഗരങ്ങളില് വിമാനം, ബസ്, ട്രെയിന്, ഫെറി എന്നിവയുള്പ്പെടെയുള്ള പൊതുഗതാഗതസംവിധാനങ്ങള് അനിശ്ചിതകാലത്തേക്ക് നിര്ത്തിവെക്കാന് വ്യാഴാഴ്ച ഉത്തരവിട്ടു.
വ്യാഴാഴ്ച രാത്രിയോടെയാണ് ഹുവാങ്ഗാങ്ങിലും ഇജൗവിലും ഷിജിയാങ്ങിലും ക്വിയാന് ജിയാങ്ങിലും നിയന്ത്രണമേര്പ്പെടുത്തിയത്. രണ്ടരക്കോടി ജനങ്ങളെയാണ് നിയന്ത്രണം ബാധിക്കുക. ചൈനീസ് പുതുവത്സരവുമായി ബന്ധപ്പെട്ട ആഘോഷങ്ങള്ക്കും നിയന്ത്രണമേര്പ്പെടുത്തി.
അതിനിടെ, വ്യാഴാഴ്ച സിങ്കപ്പൂരിലും വൈറസ് ബാധ സ്ഥിരീകരിച്ചു. വുഹാനില്നിന്നെത്തിയ 66-കാരനിലാണ് രോഗം കണ്ടെത്തിയത്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !