തിരുവനന്തപുരം: കേരളത്തിന്റെ അതിവേഗ റെയില്പാതയായ സില്വര് ലൈനിന്റെ അലൈന്മെന്റ് നിശ്ചയിക്കുന്നതിനുള്ള ആകാശ സര്വെ പൂര്ത്തിയായി. ഹൈദരാബാദ് ആസ്ഥാനമായ ജിയോനോ ഇന്ത്യ ലിമിറ്റഡ് എന്ന സ്ഥാപനമാണ് അതിവേഗ റെയില്പാതക്കുള്ള ആകാശ സര്വെ നടത്തിയത്. റോഡുകള്, നീര്ത്തടങ്ങള്, കെട്ടിടങ്ങള്, വൈദ്യുതി ലൈനുകള്, . കാട്, നദികള്, എന്നിവയും സ്റ്റേഷന് പ്രദേശങ്ങളും കൃത്യമായി രേഖപ്പെടുത്തിയിട്ടുണ്ട്.
സര്വെ ഓഫ് ഇന്ത്യയടക്കമുള്ള ഏജന്സികളും സര്ക്കാര് വകുപ്പുകളും ചേര്ന്ന് പരിശോധിച്ച് തന്ത്രപ്രധാന മേഖലകള് ഒഴിവാക്കിയ ശേഷമാണ് റിപ്പോര്ട്ട് തയാറാക്കുന്നത്. തുടര്ന്ന് വിശദമായ പദ്ധതി റിപ്പോര്ട്ടും അലൈന്മെന്റും ഉടന് തയ്യാറാക്കുമെന്ന് കേരള റെയില് ഡെവലപ്മെന്റ് കോര്പറേഷന് അറിയിച്ചു. കൊച്ചി, കോഴിക്കോട് വിമാനത്താവളങ്ങളുമായും പ്രധാന റെയില്വേ സ്റ്റേഷനുകളുമായും അതിവേഗ പാതയെ ബന്ധിപ്പിക്കും.
ആകെ പത്തു സ്റ്റേഷനുകളാണുള്ളത്. 200 കിലോമീറ്റര് വേഗത്തിലാണ് നഗരമേഖലകളില് ആകാശപാതയിലൂടെ ട്രെയിന് കടന്നു പോകുക. തിരുവനന്തപുരം മുതല് തിരുന്നാവായ വരെ നിലവിലെ റെയില്വേ ലൈനില് നിന്നും മാറിയും തൃശ്ശൂര് മുതല് കാസര്ഗോഡ് വരെ നിലവിലുള്ള പാതയ്ക്ക് സമാന്തരമായിട്ടും ആയിരിക്കും സില്വര് ലൈനിന്റെ അലൈന്മെന്റ്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !