മലപ്പുറം ജില്ലയില്‍ എല്ലാ കുടുംബങ്ങള്‍ക്കും സമയ ബന്ധിതമായി റേഷന്‍കാര്‍ഡ് ലഭ്യമാക്കുന്നതിനും റേഷന്‍കാര്‍ഡുമായി ബന്ധപ്പെട്ട പരാതികള്‍ പരിഹരിക്കുന്നതിനുമായി ജില്ലാ തലത്തിലും താലൂക്ക് തലത്തിലും പ്രത്യേക അദാലത്തുകള്‍ സംഘടിപ്പിക്കും. ജില്ലാ കള്കടറുടെ അദ്ധ്യക്ഷതയില്‍ ചേര്‍ന്ന ജില്ലാ സപ്ലെെ ഓഫീസറുടേയും, താലൂക്ക് സപ്ലെെ ഓഫീസര്‍മാരുടേയും യോഗത്തിലാണ് അദാലത്ത് സംഘടിപ്പിക്കുന്നതിന് തീരുമാനിച്ചത്. എല്ലാ കുടുംബങ്ങള്‍ക്കും റേഷന്‍കാര്‍ഡ് നല്‍കുന്നതുമായി ബന്ധപ്പെട്ട മന്ത്രിസഭാതീരുമാനപ്രകാരം ജില്ലയില്‍ റേഷന്‍ കാര്‍ഡിന് അര്‍ഹതയുള്ള എല്ലാ കുടുംബങ്ങള്‍ക്കും സമയബന്ധിതമായി റേഷന്‍കാര്‍ഡ് നല്‍കുന്നതിനുള്ള നടപടി സ്വീകരിക്കുന്നതിനും യോഗത്തില്‍ തീരുമാനമെടുത്തു.
പ്രധാന യോഗ തീരുമാനങ്ങള്‍
1.താലൂക്ക് സപ്ലെെ ഓഫീസര്‍മാരുടെ നേതൃത്ത്വത്തില്‍ താലൂക്ക് തലത്തില്‍ എല്ലാ ബുധനാഴ്ചയും താലൂക്ക് സപ്ലെെ ഓഫീസുകളില്‍ റേഷന്‍കാര്‍ഡുമായി ബന്ധപ്പെട്ട പരാതിപരിഹാത്തിന് പ്രത്യേക അദാലത്തകള്‍ സംഘടിപ്പിക്കും. ജില്ലാ കളക്ടറുടെ നേതൃത്ത്വത്തില്‍ താലൂക്ക് തലത്തില്‍ നടത്തുന്ന അദാലത്തുകളില്‍ റേഷന്‍കാര്‍ഡുമായി ബന്ധപ്പെട്ട പരാതികള്‍ കൂടി പരിശോധിച്ച് സമയ ബന്ധിതമായി തീര്‍പ്പ് കല്‍പ്പിക്കും.
2. എല്ലാ മാസവും ജില്ലാ തലത്തില്‍ കളക്ടറേറ്റില്‍ വെച്ച് ജില്ലാ കളക്ടറുടെ നേതൃത്ത്വത്തില്‍ റേഷന്‍കാര്‍ഡുമായി ബന്ധപ്പെട്ട പരാതികള്‍ക്കായി ജില്ലാതല അദാലത്തുകള്‍ സംഘടിപ്പിക്കും.
3.ട്രെെബല്‍ വിഭാഗത്തില്‍പ്പെട്ട എല്ലാ കുടുംബങ്ങള്‍ക്കും ഒരു മാസത്തിനകം റേഷന്‍ കാര്‍ഡ് നല്‍കും. ഇതിനായി ITDP, അക്ഷയ എന്നിവയുടെ സഹകരണത്തോടെ നിലമ്പൂര്‍ ആദിവാസി മേഖലകളില്‍ ക്യാമ്പുകള്‍ സംഘടിപ്പിക്കും.
4.റേഷന്‍ കാര്‍ഡില്ലാത്ത കുടുംബങ്ങളെ കണ്ടെത്തുന്നതിന് ജില്ലയില്‍ വാര്‍ഡ് തലത്തില്‍ സര്‍വ്വേ സംഘടിപ്പിക്കും.
5. എല്ലാ മത്സ്യത്തൊഴിലാളി കുടുംബങ്ങള്‍ക്കും റേഷന്‍കാര്‍ഡ് ലഭ്യമാക്കുന്നതിന് തീരദേശ താലൂക്കുകളായ പൊന്നാനി, തിരൂര്‍, തിരൂരങ്ങാടി താലൂക്കുകളില്‍ പ്രത്യേക സര്‍വ്വേ നടത്തും.
6. ഫിഷറീസ് മേഖലയിലെ തൊഴിലാളികളില്‍ അര്‍ഹതയുണ്ടായിട്ടും മുന്‍ഗണനാ വിഭാഗത്തില്‍ ഉള്‍പ്പെടാത്ത സാഹചര്യം നിലവിലുണ്ടോ എന്ന് പരിശോധിച്ച് വിശദമായ റിപ്പോര്‍ട്ട് ജനിവരി 15 ന് മുമ്പായി സമര്‍പ്പിക്കുന്നതിന് ജില്ലാ സപ്ലെെ ഓഫീസറെ ചുമതലപ്പെടുത്തി
7. പ്രളയ ദുരിതബാധിതര്‍ക്ക് പ്രത്യേക പരിഗണന നല്‍കുന്നതിനുള്ള സാധ്യത പരിശോധിക്കും.
ജില്ലയിലെ എല്ലാ പെട്രോള്‍പമ്പുകളിലും പൊതുജനങ്ങള്‍ക്കായി സൗജന്യ ടോയ്ലെറ്റ് സംവിധാനം ഒരുക്കിയിട്ടുണ്ടെന്ന് ഉറപ്പുവരുത്തുന്നതിന് താലൂക്ക് സപ്ലെെ ഓഫീസര്‍മാര്‍ക്ക് യോഗത്തില്‍ നിര്‍ദ്ദേശം നല്‍കി. ജനുവരി 31 ന് മുമ്പ് ഇത് സംബന്ധിച്ച് റിപ്പോര്‍ട്ട് താലൂക്ക് സപ്ലെെ ഓഫീസര്‍മാര്‍ നല്‍കും. ടോയ്ലെറ്റ് സംവിധാനം ഒരുക്കിയിട്ടില്ലാത്ത പമ്പുകള്‍ക്കെതിരെ റിപ്പോര്‍ട്ട് ലഭിച്ചശേഷം നടപടി സ്വീകരിക്കും.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !