കോഴിക്കോട്: കൂടത്തായി കൂട്ടകൊലപാതക കേസിലെ പ്രതി ജോളിയുടെ ആത്മഹത്യാശ്രമം കൈഞരമ്ബ് കടിച്ച് മുറിച്ചാണെന്ന് മൊഴി. പല്ലുകൊണ്ട് കൈയിലെ ഞരമ്ബ് കടിച്ച് മുറിച്ചെന്നും ടൈലില് ഉരച്ച് വലുതാക്കിയെന്നുമാണ് ജോളി പൊലീസിന് മൊഴി നല്കിയത്. എന്നാല് പ്രതിയുടെ മൊഴി വിശ്വസനീയമല്ലെന്ന് ജയില് സൂപ്രണ്ട് പ്രതികരിച്ചു.
ആത്മഹത്യാശ്രമത്തെ തുടര്ന്ന് കോഴിക്കോട് മെഡിക്കല് കോളജ് ആശുപത്രിയില് ചികിത്സയിലാണ് ജോളിയിപ്പോള്. ആശുപത്രിയിലെത്തിയാണ് പൊലീസ് മൊഴിയെടുത്തത്. ജയിലില് ജോളിയുടെ സെല്ലില് അധികൃതര് കൂടുതല് പരിശോധന നടത്തി. ഞരമ്ബ് മുറിക്കാന് ഉപയോഗിച്ച വസ്തുക്കള് ഒന്നും സെല്ലില് കണ്ടെത്താനായില്ലെന്ന് പൊലീസ് പറഞ്ഞു.
ഇന്ന് പുലര്ച്ചെ അഞ്ചുമണിയോടെ രക്തം വാര്ന്ന നിലയില് ജോളിയെ ജയിലില് കണ്ടെത്തുകയായിരുന്നു. ജയില് അധികൃതര് തന്നെയാണ് ജോളിയെ ആശുപത്രിയിലെത്തിച്ചത്. മുന്പും ജോളി ആത്മഹത്യാ ശ്രമം നടത്തിയിരുന്നെന്നും റിപ്പോര്ട്ടുകളുണ്ട്. പ്രതിയുടെ ആത്മഹത്യാ പ്രവണത കണക്കിലെടുത്ത് മെഡിക്കല് കോളജിലെ കൗണ്സിലര്മാരുടെ സഹായം തേടിയിരുന്നു. സുരക്ഷയെ മുന് നിര്ത്തി ജോളിയെ മറ്റ് മൂന്ന് പേര്ക്ക് ഒപ്പമാണ് സെല്ലില് പാര്പ്പിച്ചിരുന്നത്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !