തിരുവനന്തപുരം: സംസ്ഥാനത്തെ ടൂറിസ്റ്റ് ബസുകള്ക്ക് പുതിയ ഏകീകൃത കളര്കോഡ് നിര്ബന്ധമാക്കി ഉത്തരവിറങ്ങി. വെളളയില് വൈലറ്റും ഗോള്ഡന് വരകളുമാണ് പുതിയ കോഡ്. ഉത്തരവ് മാര്ച്ച് ഒന്നു മുതല് പ്രാബല്യത്തില് വരും.
നേരത്തെ ബസുകളുടെ പുറം ബോഡിയില് വെള്ളയും മധ്യഭാഗത്ത് കടുംചാരനിറത്തിലെ വരയും മാത്രമേ പാടുള്ളൂ എന്നും മുന്വശത്ത് ടൂറിസ്റ്റ് എന്ന പേര് മാത്രമേ എഴുതാവൂ എന്നുമായിരുന്നു ആദ്യതീരുമാനം. എന്നാല് പിന്നീട് ഈ തീരുമാനത്തില് സര്ക്കാര് അല്പ്പം മയം വരുത്തി. അങ്ങനെയാണ് വെള്ളനിറമടിച്ച ടൂറിസ്റ്റ് ബസുകളുടെ മധ്യഭാഗത്ത് ചാരനിറത്തിനുപകരം വയലറ്റും ഗോള്ഡ് നിറവും വരുന്നത് .
നേരത്തേ വശങ്ങളില് നിഷ്കര്ഷിച്ചിരുന്ന വെള്ള പശ്ചാത്തലത്തില് ചാരനിറത്തിലുള്ള വരകള്ക്കു പകരം പത്ത് സെന്റീമീറ്റര് വീതിയില് വയലറ്റും അതിനുമുകളില് മൂന്ന് സെന്റിമീറ്റര് വീതിയില് സ്വര്ണനിറത്തിലെ വരയുമാണ് പുതുതായി അനുവദിച്ചത്. ഇവ തമ്മില് ഒരു സെന്റീമീറ്റര് അകലം വേണം. ഇതുകൂടാതെ മുന്വശത്ത് ടൂറിസ്റ്റ് എന്നതിനു പകരം ഓപ്പറേറ്ററുടെ പേരെഴുതാനും അനുവദിച്ചു. എന്നാല് , 12 ഇഞ്ച് വീതിയില് സാധാരണ അക്ഷരങ്ങളില് വെള്ള നിറത്തില് മാത്രമേ പേരെഴുതാന് പാടുള്ളൂ. പിന്വശത്ത് 40 സെന്റീമീറ്റര് വീതിയില് പേരും ഉടമയുടെയോ ഓപ്പറേറ്റുടെയോ മേല്വിലാസവും എഴുതാം .
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !