നാലാം ഘട്ട അണ്ലോക്കിന്റെ ഭാഗമായി കോവിഡ് നിയന്ത്രണങ്ങള് ലഘൂകരിക്കുന്ന നടപടികള് കേന്ദ്ര സര്ക്കാര് പ്രഖ്യാപിച്ചു. സെപ്റ്റംബര് ഏഴു മുതല് ഗ്രേഡ് രീതിയില് മെട്രോ സര്വീസുകള് നടത്താന് അനുമതി നല്കി.
21 മുതല് 100 പേര്ക്കുവരെ പങ്കെടുക്കാവുന്ന പൊതുപരിപാടികള് നടത്താനും അനുമതിയുണ്ട്. കായികം, വിനോദം, മതം, രാഷ്ട്രീയം തുടങ്ങിയ പ്രവര്ത്തനങ്ങള്ക്കാണ് 100 പേരുടെ പരിധിയില് അനുമതിയുള്ളത്.
സ്കൂളുകള്, കോളേജുകള്, കോച്ചിങ് സെന്ററുകള്, മറ്റു വിദ്യാഭ്യാസ സ്ഥാപനങ്ങള് എന്നി അടഞ്ഞുതന്നെ കിടക്കും.
ഓണ്ലൈന് ടീച്ചിങ്-ടെലി കൗണ്സിലിങ് എന്നിവയുമായി ബന്ധപ്പെട്ട പ്രവര്ത്തനങ്ങള്ക്ക് സെപ്റ്റംബര് 21 മുതല് സ്കൂളുകളില് 50 ശതമാനം ജീവനക്കാര്ക്ക് എത്തിചേരാം. ഇക്കാര്യത്തില് സംസ്ഥാനങ്ങള്ക്ക് തീരുമാനമെടുക്കാം.
ഒമ്പത് മുതല് 12 വരെ ക്ലാസുകളിലെ വിദ്യാര്ത്ഥികള്ക്ക് കണ്ടെയിന്മെന്റിന് പുറത്തുള്ള അവരുടെ സ്കൂളുകളില് അധ്യാപകരുടെ മാര്ഗനിര്ദേശങ്ങള് സ്വീകരിക്കുന്നതിന് പോകാം. രക്ഷിതാക്കളുടെ രേഖാമൂലമുള്ള സമ്മതത്തിന് വിധേയമായിട്ടായിരിക്കണം ഇത്. ഓണ്ലൈന് പഠനം പ്രോത്സാഹിപ്പിക്കും.
സിനിമാ തിയേറ്ററുകളും സ്വിമ്മിങ് പൂളുകളും തുറക്കില്ല. 21 മുതല് ഓപ്പണ് തിയേറ്ററുകള്ക്ക് തുറന്ന് പ്രവര്ത്തിക്കാം.
സെപ്റ്റംബര് 30 വരെ കണ്ടെയിന്മെന്റ് സോണുകളില് യാതൊരു ഇളവുകളും ബാധകമല്ല. കര്ശന നിയന്ത്രണങ്ങള് തുടരും.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !