മുസ്ലിം ലീഗ് നേതാവും മലപ്പുറം എം.പിയുമായ പി.കെ കുഞ്ഞാലിക്കുട്ടി സംസ്ഥാന രാഷ്ട്രീയത്തിലേക്ക് മടങ്ങി വരുന്നു. മുസ്ലിം ലീഗ് സംസ്ഥാന അദ്ധ്യക്ഷന് പാണക്കാട് ഹൈദരലി ശിഹാബ് തങ്ങളാണ് മുസ്ലിം ലീഗ് ഉന്നതാധികാര സമിതി യോഗത്തിന് ശേഷം ഇക്കാര്യം അറിയിച്ചത്.
തിരഞ്ഞെടുപ്പില് വിജയസാധ്യത പരിശോധിച്ചു കൂട്ടായി പ്രവര്ത്തിക്കണം. തിരഞ്ഞെടുപ്പിന്റെ പരിപൂര്ണ ചുമതല കുഞ്ഞാലിക്കുട്ടിക്ക് നല്കും. കഴിഞ്ഞ തവണ ചുമതല ഏല്പിച്ചത് പാര്ട്ടിക്കും മുന്നണിക്കും വിജയമായെന്നും യോഗത്തില് വിലയിരുത്തി. പാര്ട്ടിയുടെ അഖിലേന്ത്യാ ഉത്തരവാദിത്വം ഇനി ഇ.ടി മുഹമ്മദ് ബഷീര് എം.പിയ്ക്കായിരിക്കും. കുഞ്ഞാലിക്കുട്ടി കേരള രാഷ്ട്രീയത്തില് അനിവാര്യമാണെന്ന് ഇ.ടി.മുഹമ്മദ് ബഷീറും പ്രതികരിച്ചു. കുഞ്ഞാലിക്കുട്ടി നിയമസഭയിലേക്ക് മത്സരിക്കണോ എന്ന കാര്യത്തില് ആ ഘട്ടം വരുമ്ബോള് തീരുമാനിക്കുമെന്നും ഇ.ടി. മുഹമ്മദ് ബഷീര് പറഞ്ഞു.
രാഷ്ട്രീയ കാര്യങ്ങള് ചര്ച്ച ചെയ്തു, തിരഞ്ഞെടുപ്പിനെ കുറിച്ചും ചര്ച്ച നടന്നുവെന്നായിരുന്നു കുഞ്ഞാലിക്കുട്ടിയുടെ പ്രതികരണം. തിരഞ്ഞെടുപ്പുകളുടെ ഒരു ഘോഷയാത്രയാണ് വരാന് പോകുന്നത്, വലിയ വെല്ലുവിളിയാണ് നേരിടാനുള്ളതെന്നും പി.കെ.കുഞ്ഞാലിക്കുട്ടി വ്യക്തമാക്കി. എല്.ഡി.എഫ് ഭരണം കേരളത്തിന് മോശമായ സ്ഥിതിയാണുണ്ടാക്കുന്നത്, ഒരു ഗുണവും അത് ചെയ്യുന്നില്ലെന്നും അദ്ദേഹം കൂട്ടിച്ചേര്ത്തു.
ഉപതിരഞ്ഞെടുപ്പ്, തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പ്, അടുത്ത വര്ഷം നടക്കുന്ന നിയമസഭാ തിരഞ്ഞെടുപ്പ് എന്നിവയുടെ മുഴുവന് ചുമതലയാണ് മുസ്ലിം ലീഗ് പി.കെ കുഞ്ഞാലിക്കുട്ടിയെ ഏല്പ്പിച്ചിരിക്കുന്നത്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !