തിരുവനന്തപുരം | സംസ്ഥാനത്തെ കൊവിഡ് ഡിസ്ചാര്ജ് പോളിസിയില് മാറ്റം വരുത്തണമെന്ന് സര്ക്കാര് നിയോഗിച്ച വിദഗ്ധ സമിതി. ഡിസ്ചാര്ജിനായി വീണ്ടും കൊവിഡ് പരിശോധന നടത്തേണ്ടതില്ലെന്നാണ് വിദഗ്ധ സമിതിയുടെ ശുപാര്ശ. രോഗമുക്തരായ ശേഷം ഒരാഴ്ച കൂടി വീടുകളില് തങ്ങാനുള്ള നിര്ദേശവും ഇനി വേണ്ടെന്നാണ് വിദഗ്ധസമിതിയുടെ നിര്ദ്ദേശം.
രോഗികളുടെ എണ്ണം കൂടി വരുന്ന സാഹചര്യത്തില് പരിശോധനകളുടെ എണ്ണം ഇനിയും കൂട്ടണമെന്നും നിര്ദ്ദേശം. രോഗം ബാധിച്ച് ആശുപത്രിയില് പ്രവേശിപ്പിച്ച ആളെ പത്താം ദിവസം ഡിസ്ചാര്ജ് ചെയ്യാം. ലക്ഷണങ്ങളുളളവരുടെ കാര്യത്തില് ലക്ഷണങ്ങള് മാറുന്ന മുറയ്ക്ക് ഡിസ്ചാര്ജ് ചെയ്യാം. ഗുരുതരാവസ്ഥയില് ഉള്ള രോഗിയാണെങ്കിലും ലക്ഷണങ്ങള് മാറിയാല് പരിശോധന നടത്താതെ ഡിസ്ചാര്ജ് ചെയ്യാം. 10 ദിവസം കഴിഞ്ഞാല് രോഗം പടര്ത്താനുളള സാധ്യത തീരെ ഇല്ല. അതുകൊണ്ട് നെഗറ്റീവായി എന്ന് കണ്ടെത്താനുള്ള പരിശോധന അനാവശ്യമാണെന്നാണ് ആരോഗ്യ വിദഗ്ധരുടെ നിലപാട്. ഒരു ദിവസം അയ്യായിരത്തിനു മുകളില് പേര്ക്ക് കൊവിഡ് നെഗറ്റീവ് ആയോ എന്നറിയാനുള്ള പരിശോധന നടത്തുന്നുണ്ട്. ഈ പരിശോധന കൂടി പുതിയ രോഗികളെ കണ്ടെത്താന് ഉപയോഗിക്കണമെന്നാണ് നിര്ദേശം.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !