ദുബൈ: കോവിഡ് പശ്ചാത്തലത്തില് പുതുവത്സരാഘോഷം ജാഗ്രതയോടെ നടത്തണമെന്ന് ദുബൈ. നിയന്ത്രണത്തിന്റെ ഭാഗമായി സ്വകാര്യ കുടുംബ ഒത്തുചേരലുകളിലും പൊതു ആഘോഷങ്ങളിലും 30 പേരില് കൂടുതല് അനുവദനീയമല്ലെന്ന് സുപ്രീം കമിറ്റി ഓഫ് ക്രൈസിസ് ആന്ഡ് ഡിസാസ്റ്റര് മാനേജ്മെന്റ് അറിയിച്ചു. നിയമം ലംഘിക്കുന്നവര്ക്ക് വന്തുക പിഴ ചുമത്തും. നിയന്ത്രണങ്ങള് ലംഘിച്ച് ആഘോഷങ്ങള് സംഘടിപ്പിക്കുന്നവര്ക്ക് 50,000 ദിര്ഹവും ഇത്തരം പരിപാടികളില് പങ്കെടുക്കുന്നവര്ക്ക് 15,000 ദിര്ഹവുമാണ് പിഴ.
കോവിഡ് സുരക്ഷാ മാര്ഗനിര്ദ്ദേശങ്ങള് പാലിക്കുന്നുണ്ടോയെന്ന് ഉറപ്പാക്കാന് പരിശോധനകള് നടത്തുമെന്ന് കമിറ്റി അറിയിച്ചു. നിയന്ത്രണങ്ങള് ലംഘിച്ചാല് നിയമനടപടികള് നേരിടേണ്ടി വരുമെന്നും പിഴ ലഭിക്കുമെന്നും അധികൃതര് കൂട്ടിച്ചേര്ത്തു.
സാമൂഹിക അകലം കൃത്യമായി പാലിച്ചുകൊണ്ട് വേണം പരിപാടികളില് പങ്കെടുക്കാന്. ഒരാള്ക്ക് നാല് ചതുരശ്ര മീറ്റര് സ്ഥലം എന്ന നിബന്ധന പാലിക്കണം. പാര്ടികളില് പങ്കെടുക്കുന്ന എല്ലാവരും കൃത്യമായി മാസ്ക് ധരിക്കണം.
പ്രായമായവരും ഗുരുതര ആരോഗ്യ പ്രശ്നങ്ങളുള്ളവരും ഇത്തരം ആഘോഷങ്ങളില് പങ്കെടുക്കരുത്, ചുമയോ പനിയോ മറ്റ് എന്തെങ്കിലും രോഗലക്ഷണങ്ങളോ ഉള്ളവര് പരിപാടികളില് നിന്ന് വിട്ടുനില്ക്കണമെന്നും അധികൃതര് വ്യക്തമാക്കി.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !