ന്യൂഡല്ഹി: ബ്രിട്ടണില് പുതിയ കോവിഡ് വകഭേദം കണ്ടെത്തിയതിന്റെ പശ്ചാത്തലത്തില് യുകെയില് നിന്ന് ഇന്ത്യയിലേക്കും തിരിച്ചുമുള്ള എല്ലാ വിമാനങ്ങളും നിര്ത്തിവെക്കാന് തീരുമാനിച്ചതായി കേന്ദ്ര സര്ക്കാര് അറിയിച്ചു. ചൊവ്വാഴ്ച അര്ദ്ധരാത്രി മുതല് ഡിസംബര് 31 അര്ദ്ധരാത്രി വരെയാണ് വിലക്കേര്പ്പെടുത്തിയിട്ടുള്ളത്.
മുന്കരുതലുകളുടെ ഭാഗമായി ചൊവ്വാഴ്ച അര്ദ്ധ രാത്രിക്ക് മുമ്ബായി യുകെയില് നിന്നെത്തുന്ന എല്ലാ യാത്രക്കാരും വിമാനത്താവളങ്ങളിലെത്തുമ്ബോള് നിര്ബന്ധിത ആര്ടി-പിസിആര് പരിശോധനയ്ക്ക് വിധേയരാകണമെന്നും വ്യോമയാന മന്ത്രാലയം അറിയിച്ചു. യുകെ വഴി വരുന്ന വിമാന യാത്രികര്ക്കും പരിശോധന നിര്ബന്ധമാണ്.
ബ്രിട്ടനില് കോവിഡ് വൈറസിന്റെ പുതിയ വകഭേദം കണ്ടെത്തിയെന്ന് ബ്രിട്ടീഷ് പ്രധാനമന്ത്രി ബോറിസ് ജോണ്സണ് ലോകത്തെ അറിയിച്ചത്. ആദ്യ വൈറസിനെക്കാള് 70 ശതമാനമധികം വേഗത്തില് പടര്ന്നുപിടിക്കുന്നതാണ് പുതിയ വൈറസെന്നാണ് റിപ്പോര്ട്ട്. ഇതേ തുടര്ന്ന് നിരവധി രാജ്യങ്ങള് യുകെയിലേക്കുള്ള വിമാന ഗതാഗതത്തിന് വിലക്കേര്പ്പെടുത്തിയിട്ടുണ്ട്.
കഴിഞ്ഞ ദിവസം സൗദി അത്യാവശ്യ സര്വിസൊഴികെ എല്ലാ അന്താരാഷ്ട്ര വിമാന സര്വിസുകളും നിര്ത്തിവെച്ചിരുന്നു. ക്വാറന്റീന് കാലയളവില് കോവിഡ് പരിശോധന നടത്തണമെന്ന് സൗദി സര്ക്കാര് അറിയിച്ചു. ഒരോ അഞ്ച് ദിവസത്തിലും പരിശോധന ആവര്ത്തിക്കണം. കഴിഞ്ഞ മൂന്ന് മാസത്തിനിടയില് ഏതെങ്കിലും യൂറോപ്യന് രാജ്യത്ത് നിന്ന് മടങ്ങിയെത്തിയവര് അല്ലെങ്കില് പകര്ച്ചവ്യാധി പ്രത്യക്ഷപ്പെട്ട ഏതെങ്കിലും രാജ്യങ്ങളിലൂടെ കടന്നുപോയവര് കോവിഡ് പരിശോധന നടത്തണം. എന്നാല് പുതിയ വൈറസ് ബാധ റിപ്പോര്ട്ട് ചെയ്യാത്ത രാജ്യങ്ങളില് നിന്നുള്ള ചരക്ക് ഗാതഗതത്തെ സൗദി വിലക്കില് നിന്ന് ഒഴിവാക്കിയിട്ടുണ്ട്.
മറ്റ് യൂറോപ്യന് രാജ്യങ്ങളും ബ്രിട്ടണിലേയ്ക്കുള്ള വിമാന സര്വ്വീസുകള് താല്ക്കാലികമായി നിര്ത്തലാക്കിയിട്ടുണ്ട്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !