വാക്സിന് ചലഞ്ച് ഏറ്റെടുത്ത് മലയാളികള് മുഖ്യമന്ത്രിയുടെ ദുരിതാശ്വാസനിധിയിലേക്ക് ഇന്ന് സംഭാവനയായി കൈമാറിയത് രണ്ടു കോടി രൂപ. ഇന്ന് ഒറ്റ ദിവസം കൊണ്ടാണ് ഇത്രയുമധികം തുക ദുരിതാശ്വാസനിധിയിലെത്തിയത്. നൂറ്റിയഞ്ചാം വയസില് കോവിഡിനെ അതിജീവിച്ച അസ്മാബീവി, ആടിനെ വിറ്റ് പണം നല്കിയ സുബൈദ ബീവി തുടങ്ങിയ സാധാരണക്കാരടക്കം നിരവധി പേരാണ് ദുരിതാശ്വാസനിധിയിലേക്ക് തങ്ങള്ക്ക് സാധിക്കുന്ന രീതിയിലുള്ള തുകകള് സംഭാവന ചെയ്യുന്നത്.
കേന്ദ്രസര്ക്കാര് വാക്സിന് തന്നില്ലെങ്കിലും സ്വന്തം നിലയില് വിലകൊടുത്തുവാങ്ങി ജനങ്ങള്ക്ക് വാക്സിന് നല്കുമെന്ന മുഖ്യമന്ത്രിയുടെ പ്രഖ്യാപനത്തിന് പിന്നാലെയാണ് സോഷ്യല്മീഡിയയില് വാക്സിന് ചലഞ്ച് ആരംഭിച്ചത്. ഈ വിഷയത്തില് സംസ്ഥാന സര്ക്കാരിന് എല്ലാ പിന്തുണയും നല്കുക എന്നത് മുഴുവന് മലയാളികളുടെയും ചുമതലയാണെന്നാണ് സോഷ്യല്മീഡിയ അഭിപ്രായപ്പെടുന്നത്. ആരുടെയും ആഹ്വാനമില്ലാതെയാണ് ക്യാമ്പയിന് ആരംഭിച്ചത്. മണിക്കൂറുകള് കൊണ്ട് ലോകത്തിന്റെ നാനാഭാഗത്തുനിന്നും മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന എത്തുകയായിരുന്നു.
വാക്സിന് വാങ്ങുന്നതിനായി ജനങ്ങള് നല്കുന്ന തുക സംഭരിക്കുന്നതിന് സിഎംഡിആര്എഫില് പ്രത്യേക അക്കൗണ്ട് ഉണ്ടാകുമെന്ന് മുഖ്യമന്ത്രി പിണറായി വിജയന് ഇന്നത്തെ വാര്ത്താസമ്മേളനത്തില് പറഞ്ഞിരുന്നു. ആ തുക വാക്സിനേഷനു വേണ്ടി മാത്രം ചെലവഴിക്കും. ഇപ്പോള് വാക്സിനേഷന് സ്വീകരിച്ചവരാണ് സംഭാവന അയക്കുന്നത്. എല്ലാവരും ഇതിന് സന്നദ്ധരാകണം. ഈ മുന്നേറ്റത്തില് കൂടുതല് ആളുകള് പങ്കാളികളാകണമെന്ന് അഭ്യര്ത്ഥിക്കുകയാണ്. വ്യക്തികള് മാത്രമല്ല, സംഘടനകളും സ്ഥാപനങ്ങളും ഈ ലക്ഷ്യത്തിനായി കൈകോര്ക്കണമെന്നും മുഖ്യമന്ത്രി ആവശ്യപ്പെട്ടിരുന്നു.
വാക്സിന് ചലഞ്ചിനെക്കുറിച്ച് മുഖ്യമന്ത്രി ഇന്ന് വാര്ത്താസമ്മേളനത്തില് പറഞ്ഞത്: ”വാക്സിനുകള് വാങ്ങുന്നതിലേയ്ക്കായി സിഎംഡിആര്എഫിലേക്ക് സംഭാവനകള് ഇന്നലെ മുതല് വന്നുകൊണ്ടിരിക്കുകയാണ്. ഇന്നുമാത്രം ഒരുകോടിയിലധികം രൂപയാണ് ഇങ്ങനെ എത്തിയത്. പ്രതിസന്ധി ഘട്ടങ്ങളില്, തങ്ങളുടെ സഹോദരങ്ങളുടെ സുരക്ഷയ്ക്കും നാടിന്റെ നന്മയ്ക്കും വേണ്ടി ഒത്തൊരുമിക്കുന്ന കേരള ജനത ഈ ലോകത്തിനു തന്നെ മാതൃകയായി മാറിയിരിക്കുന്നു. കേരളീയന് എന്ന നിലയില് അഭിമാനം തോന്നുന്ന മറ്റൊരു സന്ദര്ഭമാണിത്. ആരുടെയും ആഹ്വാനമനുസരിച്ചല്ല, ജനങ്ങള് സ്വയമേവ മുന്നോട്ടുവന്നാണ് സംഭാവനകള് നല്കുന്നത്. ലോകത്തിന്റെ എല്ലാ ഭാഗങ്ങളില്നിന്നും വാക്സിന് വാങ്ങാനുള്ള സംഭാവന എത്തുകയാണ്.”
”ഇത്തരത്തില് വാക്സിന് വാങ്ങുന്നതിനായി ജനങ്ങള് നല്കുന്ന തുക സംഭരിക്കുന്നതിന് സിഎംഡിആര്എഫില് പ്രത്യേക അക്കൗണ്ട് ഉണ്ടാകും. ആ തുക വാക്സിനേഷനു വേണ്ടി മാത്രം ചെലവഴിക്കും. ഇപ്പോള് വാക്സിനേഷന് സ്വീകരിച്ചവരാണ് സംഭാവന അയക്കുന്നത്. എല്ലാവരും ഇതിന് സന്നദ്ധരാകണം. ഈ മുന്നേറ്റത്തില് കൂടുതല് ആളുകള് പങ്കാളികളാകണമെന്ന് അഭ്യര്ത്ഥിക്കുകയാണ്. വ്യക്തികള് മാത്രമല്ല, സംഘടനകളും സ്ഥാപനങ്ങളും ഈ ലക്ഷ്യത്തിനായി കൈകോര്ക്കണം. വാക്സിനേഷന് ശക്തമായി നടപ്പിലാക്കി എത്രയും പെട്ടെന്ന് ഈ മഹാമാരിയില് നിന്നും മുക്തമാവുക എന്ന ലക്ഷ്യം നമുക്ക് സഫലീകരിക്കണം. സാമ്പത്തികമായ വേര്തിരിവുകളെ മറികടന്ന് വാക്സിന് ഏറ്റവും സാധാരണക്കാരനും ലഭ്യമാക്കണം. അതിനായി നമുക്കൊരുമിച്ചു നില്ക്കാം.”
”ആവര്ത്തിച്ച് നടത്താനുള്ള ഒരു അഭ്യര്ത്ഥന എല്ലാവരും അത്യാവശ്യ കാര്യങ്ങള്ക്കു മാത്രമേ പുറത്തിറങ്ങാവൂ എന്നതാണ്. നിര്ണായകമായ ഒരു ഘട്ടത്തിലൂടെയാണ് നാം കടന്നുപോകുന്നത്. ഓരോ നിമിഷവും ജാഗ്രതയോടെ ഇരിക്കേണ്ടതുണ്ട്. ആര്ടിപിസിആര് ടെസ്റ്റ് നടത്തിയവര് റിസര്ട്ട് കിട്ടുന്നതുവരെ നിര്ബന്ധമായും ക്വാറന്റൈനില് കഴിയണം. രോഗം പടരുന്നതിന്റെ വേഗവും രീതിയും മാറിയിട്ടുണ്ട് എന്നതും ഓര്മ വേണം. അതിനനുസരിച്ച് സൗകര്യങ്ങളൊരുക്കാനുള്ള ശ്രമത്തിലാണ് നമ്മള് ഓരോരുത്തരും എന്നു കാണണം. ഇക്കാര്യം മാധ്യമങ്ങളോടും കൂടി പറയുകയാണ്. സമൂഹത്തെ അപകടത്തില്നിന്ന് രക്ഷിക്കുകയാണ് എല്ലാവരുടെയും കടമ.”
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !