തിരുവനന്തപുരം: സംസ്ഥാനത്തെ ആരോഗ്യമേഖലയ്ക്ക് വീണ്ടും അഭിമാന നേട്ടം. കേരളത്തിലെ ഏഴ് ആശുപത്രികള്ക്ക് കൂടി നാഷനല് ക്വാളിറ്റി അഷ്വറന്സ് സ്റ്റാന്റേര്ഡ് (എന്ക്യൂഎഎസ്) അംഗീകാരം ലഭിച്ചതായി കേന്ദ്ര ആരോഗ്യമന്ത്രാലയം സംസ്ഥാന ആരോഗ്യവകുപ്പിനെ അറിയിച്ചു.
തൃശൂര് ഗുരുവായൂര് അര്ബന് പ്രൈമറി ഹെല്ത്ത് സെന്റര് (സ്കോര് 92.97 ശതമാനം), കോഴിക്കോട് കിനശേരി അര്ബന് പ്രൈമറി ഹെല്ത്ത് സെന്റര് (സ്കോര് 90.85), കൊല്ലം വെളിയം കുടുംബാരോഗ്യ കേന്ദ്രം (സ്കോര് 94.93), എറണാകുളം തൃപ്പുണ്ണിത്തുറ അര്ബന് പ്രൈമറി ഹെല്ത്ത് സെന്റര് (സ്കോര് 89.01), തൃശൂര് മുല്ലശേരി സാമൂഹികാരോഗ്യ കേന്ദ്രം (സ്കോര് 90.1), മലപ്പുറം മംഗലശേരി അര്ബന് പ്രൈമറി ഹെല്ത്ത് സെന്റര് (സ്കോര് 94.2), മലപ്പുറം ഇരവിമംഗലം അര്ബന് പ്രൈമറി ഹെല്ത്ത് സെന്റര് (സ്കോര് 93.4) എന്നീ കേന്ദ്രങ്ങള്ക്കാണ് ഇപ്പോള് ദേശീയ ഗുണനിലവാര അംഗീകാരമായ എന്ക്യൂഎഎസ് ബഹുമതി ലഭിച്ചത്.
കഴിഞ്ഞമാസം 8 ആരോഗ്യസ്ഥാപനങ്ങള്ക്ക് എന്ക്യൂഎഎസ് ബഹുമതി ലഭിച്ചതിന് പുറമേയാണിത്. ഇതോടെ അര്ബന് െ്രെപമറി ഹെല്ത്ത് സെന്റര് വിഭാഗത്തില് ഏറ്റവും കൂടുതല് എന്ക്യുഎഎസ് അംഗീകാരം നേടുന്ന സംസ്ഥാനമായി (23 കേന്ദ്രങ്ങള്) കേരളം മാറിയിരിക്കുകയാണ്. രാജ്യത്തെ മികച്ച പ്രാഥമികാരോഗ്യകേന്ദ്രങ്ങളുടെ വിഭാഗത്തില് ആദ്യത്തെ 12 സ്ഥാനവും കേരളം ഇപ്പോഴും നിലനിര്ത്തുകയാണ്. തിരുവനന്തപുരം ഒറ്റശേഖരമംഗലം പൂഴനാട് കുടുംബാരോഗ്യകേന്ദ്രവും കാസര്കോട് കയ്യൂര് രക്തസാക്ഷി സ്മാരക കുടുംബാരോഗ്യകേന്ദ്രവും 99 ശതമാനം സ്കോര് കരസ്ഥമാക്കി ഇന്ത്യയില് തന്നെ ഒന്നാം സ്ഥാനത്താണ്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !