സംസ്ഥാനത്ത് ഹൈ റിസ്ക് അല്ലാത്ത രാജ്യങ്ങളില് നിന്നും വരുന്ന കൂടുതല് പേര്ക്ക് ഒമിക്രോണ് സ്ഥിരീകരിക്കുന്ന സാഹചര്യത്തില് സ്വയം നിരീക്ഷണം കര്ശനമായി പാലിക്കണമെന്നും ആരോഗ്യ വകുപ്പ് നിര്ദ്ദേശം നല്കി.
നിലവില് ഹൈ റിസ്ക് രാജ്യങ്ങളില് നിന്നും വരുന്നവര്ക്ക് 7 ദിവസം ക്വാറന്റൈനും 7 ദിവസം സ്വയം നിരീക്ഷണവുമാണ്. അതേസമയം മറ്റ് രാജ്യങ്ങളില് നിന്നും വരുന്നവര്ക്ക് 14 ദിവസം സ്വയം നിരീക്ഷണമാണുള്ളത്. സ്വയം നിരീക്ഷണത്തില് കഴിഞ്ഞവര് പലരും മാര്ഗനിര്ദേശങ്ങള് ലംഘിക്കുന്നതായി കണ്ടെത്തിയിട്ടുണ്ട്. ഇത് സംസ്ഥാനത്തെ ഒമിക്രോണ് പ്രതിരോധത്തെ ബാധിക്കുമെന്നതിനാല് ഹൈ റിസ്ക് അല്ലാത്ത രാജ്യങ്ങളില് നിന്നും വരുന്നവര് സ്വയം നിരീക്ഷണം കര്ശനമായി പാലിക്കണം. ഇവര് വീട്ടില് സ്വയം നിരീക്ഷണത്തില് കഴിയുന്നതാകും നല്ലതെന്നും ഒരു കാരണവശാലും ആള്ക്കൂട്ടമുള്ള സ്ഥലങ്ങളില് പോകരുതെന്നും ആരോഗ്യവകുപ്പ് മന്ത്രി വീണാ ജോര്ജ്ജ് വ്യക്തമാക്കി.
സംസ്ഥാനത്ത് ഇതുവരെ 15 ഒമിക്രോണ് കേസുകളാണ് സ്ഥിരീകരിച്ചത്. മറ്റ് സംസ്ഥാനങ്ങളില് നിന്നും വരുന്നവര്ക്ക് കൊവിഡ് പോസിറ്റീവ് ആയാല് ജനിതക പരിശോധനയ്ക്ക് അയയ്ക്കും. പെട്ടൊന്നൊരു സ്ഥലത്ത് ക്ലസ്റ്റര് ഉണ്ടായാല് അവിടെ നിന്നുള്ള സാമ്ബിളുകളും ജനിതക പരിശോധനയ്ക്ക് അയയ്ക്കും. ഒമിക്രോണ് സ്ഥിരീകരിച്ചവര് നെഗറ്റീവായതിന് ശേഷം നിരീക്ഷിച്ച ശേഷം മാത്രമേ ഡിസ്ചാര്ജ് ചെയ്യുകയുള്ളൂ.
ഒമിക്രോണ് രോഗികളുടെ എണ്ണം കൂടിയാല് അത് നേരിടുന്നതിന് ആശുപത്രികളില് തയ്യാറാക്കിയ സജ്ജീകരണങ്ങള് മന്ത്രി വീണാ ജോര്ജിന്റെ നേതൃത്വത്തില് ചേര്ന്ന ഉന്നതതല യോഗത്തില് ചര്ച്ച ചെയ്തു. ആവശ്യമെങ്കില് സ്വകാര്യ ആശുപത്രികളുടെ സഹകരണവും ഉറപ്പ് വരുത്തിയിട്ടുണ്ട്. എയര്പോര്ട്ട് സര്വയലന്സ് നല്ല രീതിയില് നടക്കുന്നുണ്ട്. എയര്പോട്ടില് വച്ച് പരിശോധിക്കുന്നവരില് പലരും നെഗറ്റീവാണ്. പിന്നീട് പരിശോധിക്കുമ്ബോഴാണ് കൊവിഡ് പോസിറ്റീവാകുന്നത്. അതിനാല് തന്നെ കമ്മ്യൂണിറ്റി സര്വയലന്സ് ശക്തമാക്കും. ഹൈ റിസ്ക് അല്ലാത്ത രാജ്യങ്ങളില് നിന്നും വരുന്നവരുടെ പരിശോധനകള് വര്ധിപ്പിക്കുന്നതാണ്.
സംസ്ഥാനത്ത് വാക്സിന്റെ ക്ഷാമമില്ലെങ്കിലും പലരും വാക്സീനെടുക്കാന് വരുന്നില്ലെന്നും ആരോഗ്യമന്ത്രി പറയുന്നു. അലര്ജിയും മറ്റ് പല കാരണങ്ങളും പറഞ്ഞ് കുറേപേര് വാക്സീനെടുക്കാതെ മാറി നില്ക്കുന്നുണ്ട്. അവര് യഥാര്ത്ഥ കാരണം കണ്ടെത്തേണ്ടതാണ്. ക്രിസ്തുമസ്, ന്യൂ ഇയര് വരുന്ന സന്ദര്ഭത്തില് എല്ലാവരും കൂടുതല് ജാഗ്രത പാലിക്കേണ്ടതാണ്. എല്ലാവരും കൊവിഡ് മാനദണ്ഡങ്ങള് പാലിക്കണം.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !