2013 ജൂലൈയില് ഒരു മാധ്യമത്തിന് നല്കിയ അഭിമുഖത്തില് വിഎസ്, ഉമ്മൻചാണ്ടിക്കെതിരെ വിവാദപരാമർശം നടത്തിയിരുന്നു. സോളാര് തട്ടിപ്പ് നടത്താന് ഉമ്മന്ചാണ്ടിയുടെ നേതൃത്വത്തില് ഒരു കമ്പനി രൂപീകരിച്ച് അതുവഴി സാമ്പത്തിക തട്ടിപ്പ് നടത്തി എന്നതായിരുന്നു വിഎസിന്റെ പ്രസ്താവന.
ഇതിനെതിരെയാണ് ഉമ്മന്ചാണ്ടി 2014ല് ഹര്ജി നല്കിയത്. തന്നെ സമൂഹത്തിന് മുന്നില് അപകീര്ത്തിപ്പെടുത്താന് ശ്രമിച്ചു എന്ന് ചൂണ്ടിക്കാട്ടിയാണ് ഉമ്മന്ചാണ്ടി കോടതിയെ സമീപിച്ചത്.
കേസിന്റെ ഭാഗമായി ഉമ്മന്ചാണ്ടി കോടതിയില് നേരിട്ടെത്തി മൊഴി നല്കി. വാദത്തിനിടെ വിഎസിന്റെ ആരോപണം തെളിയിക്കാന് സാധിച്ചില്ലെന്ന് ഉമ്മന്ചാണ്ടിയുടെ അഭിഭാഷകന് കോടതിയെ ധരിപ്പിച്ചു. ഇത് അംഗീകരിച്ച് കൊണ്ടാണ് കോടതി വിധി.
ഒരു കോടി രൂപ നഷ്ടപരിഹാരമായി നല്കണമെന്ന് ആവശ്യപ്പെട്ടാണ് ഉമ്മന്ചാണ്ടി കോടതിയില് ഹര്ജി നല്കിയത്. കോടതി ചെലവുകള് കണക്കാക്കിയാണ് പത്തുലക്ഷത്തി പതിനായിരം രൂപ നഷ്ടപരിഹാരമായി നല്കാന് ഉത്തരവിട്ടത്. വിധിക്കെതിരെ ജില്ലാ കോടതിയെ സമീപിക്കുമെന്ന് വിഎസിന്റെ അഭിഭാഷകന് അറിയിച്ചു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !