സംസ്ഥാനത്ത് ഉത്സവങ്ങള്ക്ക്(Festivals) കൂടുതല് ഇളവുകള് അനുവദിച്ചു. ഉത്സവങ്ങളില് പരമാവധി 1500 പേര്ക്ക് പങ്കെടുക്കാം. കോവിഡ് (Covid) വ്യാപനം കുറഞ്ഞ സാഹചര്യത്തിലാണ് സര്ക്കാര് തീരുമാനം.
ആലുവ ശിവരാത്രി, ആറ്റുകാല് പൊങ്കാല തുടങ്ങിയ ഉത്സവങ്ങള്ക്കാണ് ഇളവുകള് അനുവദിച്ചത്. മാരാമണ് കണ്വെന്ഷനും ഇളവ് അനുവദിച്ചിട്ടുണ്ട്. 25 ചതുരശ്ര അടിയില് ഒരാള് എന്ന രീതിയിലാണ് ആളുകളെ നിയന്ത്രിക്കേണ്ടത്. ക്ഷേത്രത്തിന്റെ സ്ഥല വിസ്തീര്ണത്തിന്റെ അടിസ്ഥാനത്തില് പരമാവധി ആളുകളെ നിശ്ചയിക്കുന്ന കാര്യത്തില് ജില്ലാ കളക്ടര്മാര്ക്ക് തീരുമാനമെടുക്കാമെന്നും സര്ക്കാര് ഉത്തരവില് പറയുന്നു.
ഉത്സവങ്ങളില് പങ്കെടുക്കുന്നവര്ക്ക് ആര്ടിപിസിആര് നെഗറ്റീവ് സര്ട്ടിഫിക്കറ്റ് നിര്ബന്ധമാണ്. മൂന്ന് മാസത്തിനകം കോവിഡ് വന്നവര്ക്കും ഉത്സവങ്ങളില് പങ്കെടുക്കാം. 18 വയസില് താഴെയുള്ള കുട്ടികള്ക്ക് കോവിഡ് രോഗലക്ഷണമില്ലെങ്കില് കുടുംബത്തോടൊപ്പം ഉത്സവങ്ങളില് പങ്കെടുക്കാം. ഇത്തവണയും ആറ്റുകാല് പൊങ്കാല റോഡില് അനുവദിക്കില്ലെന്നും ക്ഷേത്രത്തിലും വീടുകളിലും പൊങ്കാല സമര്പ്പിക്കാമെന്നും സര്ക്കാര് ഉത്തരവില് വ്യക്തമാക്കിയിട്ടുണ്ട്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !