പോലീസ് ആസ്ഥാനത്ത് എഡിജിപി മനോജ് എബ്രഹാം കമ്പനി പ്രതിനിധികളില് നിന്ന് വാഹനങ്ങള് ഏറ്റുവാങ്ങി പോലീസ് സ്റ്റേഷനുകള്ക്ക് കെമാറി. നക്സല് ബാധിത പ്രദേശങ്ങളിലെയും ഉയര്ന്ന പ്രദേശങ്ങളിലെയും പോലീസ് സ്റ്റേഷനുകള്ക്കാണ് വാഹനങ്ങള് നല്കിയത്.
ഫോര്വീല് ഡ്രൈവ് എ.സി വാഹനത്തില് ആറു പേര്ക്ക് സഞ്ചരിക്കാം. സ്റ്റേറ്റ് പ്ലാന്, പോലീസ് നവീകരണ പദ്ധതി എന്നിവ പ്രകാരമുള്ള ഫണ്ട് ഉപയോഗിച്ചാണ് വാഹനങ്ങള് വാങ്ങിയത്. ഒരു വാഹനത്തിന് 13.25 ലക്ഷം രൂപയാണ് വില.
രണ്ടാം തലമുറ ഫോഴ്സ് ഗൂര്ഖ ചുരുങ്ങിയ സമയം കൊണ്ട് തന്നെ അഡ്വഞ്ചര് വാഹനപ്രേമികളുടെ ഇഷ്ട വാഹനമായി മാറിക്കഴിഞ്ഞിരുന്നു. മഹീന്ദ്ര ഥാറിനോട് കിടപിടിക്കുന്ന രൂപ ഭംഗിയും പെര്ഫോമന്സുമാണ് ഗൂര്ഖയുടെ സവിശേഷത. സാഹസിക-ജീവിത ശൈലി വാഹനമായാണ് പുതിയ ഗൂര്ഖ പ്രത്യക്ഷപ്പെട്ടത്. പുതിയ ഫ്രണ്ട് ഗ്രില്, ഫോഗ് ലാമ്പുകള്ക്ക് മുകളിലെ വൃത്താകൃതിയിലുള്ള ബൈ-എല്ഇഡി ഹെഡ്ലാമ്പുകള്, എല്ഇഡി ഡിആര്എല്ലുകള്, പുതിയ ടെയ്ല് ലൈറ്റുകള്, റൂഫിന് മുകളിലെ ലഗേജ് കാരിയര് എന്നിവ വാഹനത്തെ സ്റ്റൈലിഷാക്കുന്നു.
പിന്ഭാഗത്തെ വലിയ വിന്ഡോകള്, പുതിയ ഡാഷ് ബോര്ഡ്, ടച്ച് സ്ക്രീന് ഇന്ഫോടെയ്ന്മെന്റ് സിസ്റ്റം എന്നിവ വാഹനത്തിന് ഇന്റീരിയറിലും എക്സ്റ്റീരിയറിലും ഒരുപോലെ ഭംഗി നല്കുന്നു. 16 ഇഞ്ച് അലോയ് വീലുകളും ബെന്സിന്റെ എഞ്ചിനും ഗിയര് ബോക്സുമെല്ലാം തന്നെ ഏത് ദുര്ഘടമായ വഴികളിലും ഗൂര്ഖയെ മുന്നോട്ട് നയിക്കാന് പര്യാപ്തമാക്കുന്നവയാണ്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !