നിരക്ക് വര്ധിപ്പിച്ചില്ലെങ്കില് ഏപ്രില് 1 മുതല് ബസുകള് നിരത്തിലിറങ്ങില്ലായെന്ന് അസോസിയേഷന് വ്യക്തമാക്കി.
സംസ്ഥാനത്ത് 32000 സ്വകാര്യ ബസുകളാണ് ഉണ്ടായിരുന്നത്. ഇതില് ഏഴായിരം ബസുകള് മാത്രമാണ് നിലവില് സര്വീസ് നടത്തുന്നത്. ത്രൈമാസ ടാക്സും ഇന്ധനവില വര്ധനയും ബുദ്ധിമുട്ടിലാക്കിയിരിക്കുകയാണ്. ത്രൈമാസ ടാക്സ് അടക്കേണ്ട അവസാനതിയതി മാര്ച്ച് 31നാണ്.
ഓരോ ബസുകള്ക്കും പരമാവധി 30,000 മുതല് 1 ലക്ഷം രൂപ വരെ ടാക്സ് അടയ്ക്കണം. എന്നാല്, ഇപ്പോള് ടാക്സടക്കാന് നിവര്ത്തിയില്ലാതായിരിക്കുകയാണ്. ഇക്കാര്യം സര്ക്കാരിനെ അറിയിച്ചപ്പോള് കൊവിഡ് പശ്ചാത്തലത്തില് ടാക്സ് ഒഴിവാക്കുമെന്ന് സര്ക്കാര് വ്യക്തമാക്കിയിരുന്നു. എന്നാല് ഇക്കാര്യത്തില് ഉത്തരവ് ഇറങ്ങാത്തതിനാലാണ് ഇപ്പോള് സര്വീസുകള് പൂര്ണമായും നിര്ത്തലാക്കാന് ബസുടമകളുടെ തീരുമാനം.
ഇന്ധന വില കുതിക്കുന്ന പശ്ചാത്തലത്തില് വിദ്യാര്ഥികളുടെ ഉള്പ്പെടെ യാത്രാനിരക്ക് വര്ധിപ്പിക്കണമെന്നും ഡീസല് ഇന്ധന സബ്സിഡി നല്കണമെന്ന ആവശ്യങ്ങള് ഉന്നയിച്ച് ബസ് ഉടമകള്നനേരത്തെ സമരം പ്രഖ്യാപിച്ചിരുന്നു. ആവശ്യങ്ങള് പരിഗണിക്കാമെന്ന ഗതാഗത മന്ത്രിയുടെ ഉറപ്പിനെ തുടര്ന്ന് സമരം പിന്വലിക്കുകയായിരുന്നു.
മിനിമം ചാര്ജ് എട്ട് രൂപയില് നിന്നും 12 രൂപ ആക്കുക, കിലോമീറ്റര് നിരക്ക് നിലവിലെ 90 പൈസ എന്നതില് നിന്നും ഒരു രൂപ ആക്കി വര്ധിപ്പിക്കുക, കൊവിഡ് കാലം കഴിയുന്നത് വരെ ബസുകളുടെ വാഹന നികുതി പൂര്ണമായി ഒഴിവാക്കുക എന്നിവയാണ് സ്വകാര്യ ബസ് പ്രതിനിധികള് മുന്നോട്ട് വെക്കുന്ന ആവശ്യങ്ങള്.
Content Highlight : The Bus Operators' Association is all set to go on strike from April 1 if fares are not increased
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !