തിരുവനന്തപുരം|തിരുവനന്തപുരത്ത് ലോ കോളേജില് സംഘര്ഷത്തിന്റെ പശ്ചാത്തലത്തില് പ്രതിപക്ഷനേതാവും മുഖ്യമന്ത്രിയും തമ്മില് സഭയില് വാക്പോര്.
ആരോപണങ്ങളുമായി രംഗത്തെത്തിയ പ്രതിപക്ഷനേതാവിനോട് പഴയ കെഎസ്യുക്കാരന്റെ മുന്കോപമല്ല പ്രതിപക്ഷനേതാവ് കാണിക്കേണ്ടതെന്നായിരുന്നു മുഖ്യമന്ത്രിയുടെ മറുപടി. അതേ സമയം പാര്ട്ടി സെക്രട്ടറിയുടെ നിലവാരത്തിലേക്ക് മുഖ്യമന്ത്രി താഴരുതെന്ന് സതീശനും തിരിച്ചടിച്ചു. പൊലീസ് നോക്കിനില്ക്കെ ആയിരുന്നു സംഘര്ഷമെന്നും എസ്എഫ്ഐക്കാരെയും ഗുണ്ടകളെയും കണ്ടാല് തിരിച്ചറിയാന് പറ്റാത്ത സ്ഥിതിയാണെന്നും സതീശന് ആരോപിച്ചു.
എന്നാല് പഴയ കെഎസ്യുക്കാരന്റെ മുന്കോപമല്ല പ്രതിപക്ഷനേതാവ് കാണിക്കേണ്ടതെന്നായിരുന്നു മുഖ്യമന്ത്രിയുടെ മറുപടി. പ്രബലമായ വിദ്യാര്ത്ഥി സംഘടനയെ ആക്ഷേപിക്കുന്നതിന് അതിര് വേണം.യൂണിയന് ഉദ്ഘാടനം കഴിഞ്ഞ് പിരിഞ്ഞു പോകാതിരുന്ന വിദ്യാര്ത്ഥികള് തമ്മിലാണ് സംഘര്ഷം നടന്നത്. മ്യൂസിയം പൊലീസ് കേസെടുത്ത് അന്വേഷണം നടത്തുകയാണ്. രണ്ട് സംഘടനയില്പ്പെട്ടവര്ക്കും പരിക്കുണ്ട്. ഗൌരവമായ നടപടിയുണ്ടാകുമെന്നും മുഖ്യമന്ത്രി പറഞ്ഞു. എന്നാല് ഗുണ്ടകള്ക്ക് അഴിഞ്ഞാടാനുള്ള ലൈസന്സാണ് മുഖ്യമന്ത്രി നല്കിയതെന്നും പാര്ട്ടി സെക്രട്ടറിയുടെ നിലവാരത്തിലേക്ക് മുഖ്യമന്ത്രി താഴരുതെന്നും സതീശന് കുറ്റപ്പെടുത്തി.
സംഭവവുമായി ബന്ധപ്പെട്ട് വിദ്യാര്ഥികളുടെ പരാതിയില് 8 പേര്ക്ക് എതിരെ കൂടി പൊലീസ് കേസ് എടുത്തു. എട്ടുപേരും എസ്എഫ്ഐ പ്രവര്ത്തകരാണ്. എസ്.എഫ്.ഐ പ്രവര്ത്തകരെ മര്ദിച്ചു എന്ന പരാതിയില് കെ.എസ്.യു പ്രവര്ത്തകര്ക്ക് എതിരെയും കേസ് എടുത്തിരുന്നു. അക്രമിച്ചതിനും വീട്ടില് കയറി ഭീഷണിപ്പെടുത്തിയതിനുമാണ് പുതിയതായി കേസ് എടുത്തിരിക്കുന്നത്. അക്രമിക്കപെട്ട കെ.എസ്.യു നേതാവ് സഫീനയുടെ മൊഴിയെടുത്തു. സഫീനയെ അക്രമിച്ചതിനു കേസ് നേരത്തെ എടുത്തിട്ടുണ്ട്. സംഭവത്തില് കെഎസ് യൂ യൂണിറ്റ് പ്രസിഡണ്ടായ സഫ്ന അടക്കം രണ്ടുപേര്ക്കാണ് പരിക്കേറ്റത്.
ഇന്നലെ രാത്രി എട്ടുമണിയോടെയായിരുന്നു സംഭവം. യൂണിയന് ഉദ്ഘാടനത്തിനിടെയുണ്ടായ വാക് തര്ക്കം പിന്നീട് കയ്യാങ്കളിയിലേക്ക് എത്തുകയായിരുന്നു. നേരത്തെ കോളേജ് യൂണിയന് തെരഞ്ഞെടുപ്പുമായി ബന്ധപ്പെട്ടുണ്ടായ തര്ക്കത്തിന്റെ തുടര്ച്ചയായാണ് സംഭവം.
Content highlights: Law college clash: War of words between CM and Leader of Opposition in the House
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !