ദീര്ഘനാളത്തെ ഇടവേളയ്ക്കു ശേഷം നടി ഭാവന മലയാള സിനിമയിലേക്ക് തിരിച്ചെത്തുന്നു. 'ന്റിക്കാക്കാക്കൊരു പ്രേമണ്ടാര്ന്ന്!'
എന്ന ചിത്രത്തിലൂടെയാണ് നടി ഭാവന മലയാള സിനിമയില് തിരികെയെത്തുന്നത്. നടന് മമ്മൂട്ടിയാണ് ഭാവനയുടെ തിരിച്ചുവരവ് അറിയിച്ചത്. മമ്മൂട്ടിയുടെ ഫേസ്ബുക്ക് പേജിലൂടെയായിരുന്നു പ്രഖ്യാപനം. ആദില് മയ്മാനാഥ് അഷ്റഫാണ് ചിത്രം സംവിധാനം ചെയ്യുന്നത്. റെനീഷ് അബ്ദുള് ഖാദര് ചിത്രം നിര്മ്മിക്കും. ഷറഫുദ്ദീനും ഭാവനയുമാണ് കേന്ദ്ര കഥാപാത്രങ്ങള്. സഹോദരി-സഹോദര ബന്ധമാണ് ചിത്രത്തിന്റെ പ്രമേയമെന്നാണ് പോസ്റ്റര് നല്കുന്ന സൂചന.
ലൈംഗീക അതിക്രമം നേരിട്ട ശേഷം നടി കുറച്ചുവര്ഷങ്ങളായി മലയാള സിനിമയില് നിന്ന് മാറി നില്ക്കുകയായിരുന്നു. കന്നഡ, തമിഴ് ഭാഷകളില് സജീവമായി തുടര്ന്നു. ഈയിടെയാണ് നടി താന് നേരിട്ട അതിക്രമങ്ങളേക്കുറിച്ച് പരസ്യമായി പ്രതികരിച്ച് രംഗത്തെത്തിയത്. തന്റെ അഭിമാനം ചിതറിത്തെറിച്ചെന്നും അത് വീണ്ടെടുക്കുമെന്നും നടി മാധ്യമ പ്രവര്ത്തക ബര്ഖാ ദത്തിന് നല്കിയ തത്സമയ അഭിമുഖത്തിനിടെ പ്രതികരിച്ചു. താന് ഇരയല്ല അതിജീവിതയാണെന്നും ഭാവന പറയുകയുണ്ടായി.
ഭാവന മലയാള സിനിമയില് തിരിച്ചെത്തുമെന്ന് സംവിധായകന് ആഷിഖ് അബു ഒരു ചാനലിൽ പറഞ്ഞിരുന്നു. ഭാവന ഒരു കഥ കേട്ട് ഇഷ്ടപ്പെട്ടിട്ടുണ്ടെന്നായിരുന്നു ആഷിഖ് അബുവിന്റെ പ്രതികരണം.
ആക്രമിക്കപ്പെട്ട് അഞ്ച് വര്ഷത്തിന് ശേഷം നേരിട്ട അനുഭവത്തേക്കുറിച്ച് ഭാവന ആദ്യമായി തുറഞ്ഞു പറഞ്ഞത് തന്റെ ഇന്സ്റ്റഗ്രാം അക്കൗണ്ടിലൂടെയാണ്. ഭാവനയുടെ തുറന്നുപറച്ചില് മമ്മൂട്ടി പങ്കുവെച്ചത് വലിയ വാര്ത്താ പ്രാധാന്യം നേടിയിരുന്നു.
Content highlights: Bhavana ready to be active in Malayalam cinema again; Mammootty announces comeback
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !