വിദ്യാര്ത്ഥി കണ്സെഷനുമായി (Students Concession) ബന്ധപ്പെട്ട് ഗതാഗത വകുപ്പ് മന്ത്രിയുടെ അഭിപ്രായം അപക്വമെന്ന് എസ്.എഫ്.ഐ (SFI). വിദ്യാര്ത്ഥി ബസ് കണ്സെഷന് ആരുടെയും ഔദാര്യമല്ല, അവകാശമാണെന്ന് എസ്.എഫ്.ഐ പറഞ്ഞു.
നിരവധി അവകാശ സമരങ്ങളിലൂടെ നേടിയെടുത്ത വിദ്യാര്ത്ഥികളുടെ അവകാശമാണ് വിദ്യാര്ത്ഥി ബസ് കണ്സെഷന്. അത് വര്ദ്ധിപ്പിക്കുന്നത് ആലോചിക്കുമെന്നും അതോടൊപ്പം തന്നെ നിലവിലെ കണ്സെഷന് തുക കുട്ടികള്ക്ക് തന്നെ നാണക്കേടാണെന്നും അഭിപ്രായം പ്രകടിപ്പിച്ച ഗതാഗത വകുപ്പ് മന്ത്രിയുടെ അഭിപ്രായ പ്രകടനം പ്രതിഷേധാര്ഹമാണെന്നും എസ്.എഫ്.ഐ വ്യക്തമാക്കി.
ഇത്തരത്തിലുള്ള അഭിപ്രായങ്ങള് ഇടതുപക്ഷ ഗവണ്മെന്റിന്റെ വിദ്യാര്ത്ഥിപക്ഷ സമീപനങ്ങള്ക്ക് കോട്ടം തട്ടുന്നതിന് ഇടയാക്കും. ഇത്തരത്തിലുള്ള പ്രസ്താവനകളും, അഭിപ്രായ പ്രകടനങ്ങളും ശ്രദ്ധയോട് കൂടി ചെയ്യേണ്ടതായിരുന്നു. അതിനാല് തന്നെ ഈ അഭിപ്രായം തിരുത്താന് മന്ത്രി തയ്യാറാകണമെന്നും എസ്.എഫ്.ഐ സംസ്ഥാന പ്രസിഡന്റ് വി.എ വിനീഷ്, സെക്രട്ടറി അഡ്വ:കെ.എം സച്ചിന് ദേവ് എം.എല്.എ എന്നിവര് പ്രസ്താവനയില് അറിയിച്ചു.
More In Latest News:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !