കൊല്ലം, ആലപ്പുഴ, കോട്ടയം, തൃശ്ശൂര്, കോഴിക്കോട്, കണ്ണൂര് ജില്ലകളിലാണ് കാലാവസ്ഥ നീരിക്ഷണ കേന്ദ്രം മുന്നറിയിപ്പ് നല്കിയിട്ടുള്ളത്. ഈ ജില്ലകളില് മൂന്ന് ഡിഗ്രി സെല്ഷ്യസ് വരെ താപനില ഉയര്ന്നേക്കും. ഉച്ചസമയത്ത് പുറം ജോലികള്ക്കുള്ള വിലക്ക് തുടരുകയാണ്. ചൊവ്വാഴ്ചയോടെ വേനല്മഴ കിട്ടിയേക്കും. മാര്ച്ച് അവസാനത്തോടെ കൂടുതല് മഴയ്ക്ക് സാധ്യതയുണ്ട്.
വരണ്ട വടക്ക് കിഴക്കന് കാറ്റാണ് ഈ ദിവസങ്ങളില് ചൂട് കൂടാന് കാരണം. മഹാരാഷ്ട്ര, ഗുജറാത്ത് തീരത്തിന് മുകളിലായുള്ള ഉഷ്ണതരംഗത്തിന് സമാനമായ അന്തരീക്ഷമാണ് വരണ്ട വടക്കന് കാറ്റിന് കാരണം. രാജ്യവും അതി കഠിനമായ ചൂട് കാലത്തിന്റെ പിടിയിലേക്ക് കടക്കുകയാണ്. കേരളമടക്കം പല സംസ്ഥാനങ്ങളും കനത്ത ചൂടില് ഇപ്പോള് തന്നെ വലയുകയാണ്. കേന്ദ്ര കാലാവസ്ഥ വകുപ്പിന്റെ കണക്ക് പ്രകാരം സമതല പ്രദേശങ്ങളില് രാജ്യത്ത് ഇന്നലെ ഏറ്റവും ഉയര്ന്ന ചൂട് രേഖപെടുത്തിയത് രാജസ്ഥാനിലെ ബാമറിലാണ് (40.3°c). കേരളവും തൊട്ടുപിന്നാലെയുണ്ട്.
Content Highlights: Weather; Warning to six districts in the state
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !