ഇന്ത്യയില്‍ സ്വകാര്യ ടെലികോം സേവനദാതാക്കള്‍ പ്രീപെയ്ഡ് താരിഫുകള്‍ വര്‍ധിപ്പിച്ചേക്കുമെന്ന് റിപ്പോര്‍ട്ടുകള്‍.
ദീപാവലിയോടെ പ്രീപെയ്ഡ് താരിഫുകള്‍ 10 ശതമാനം മുതല്‍ 12 ശതമാനം വരെ വര്‍ധിപ്പിച്ചേക്കാനാണ് സാധ്യത. താരിഫ് വര്‍ധനവ് നിലവില്‍ വരുന്നതോടെ ഓരോ ഉപയോക്താവില്‍ നിന്നും ശരാശരി നിരക്ക് പത്ത് ശതമാനം കൂടി ഉയരുമെന്നാണ് മേഖലയിലെ വിദഗ്ധരുടെ അഭിപ്രായം. ഒക്ടോബറിലോ നവംബറിലോ താരിഫ് വര്‍ധനവ് ഉണ്ടായേക്കാം. ഭാരതി എയര്‍ടെല്‍, ജിയോ, വി എന്നിവയുടെ എആര്‍പിയു യഥാക്രമം 200, 185, 135 രൂപയായി ഉയര്‍ത്താനാണ് സാധ്യത.
2023 സാമ്ബത്തിക വര്‍ഷത്തില്‍ ഏറ്റവും കൂടുതല്‍ ആളുകളെ തങ്ങളുടെ സേവനദാതാക്കള്‍ ആക്കാനുള്ള നീക്കത്തിലാണ് ഭാരതി എയര്‍ടെലും റിലയന്‍സ് ജിയോയും. രാജ്യത്തുടനീളം ശക്തമായ 4ജി നെറ്റ്‌വര്‍ക്കാണ് ഈ രണ്ട് ടെലികോം കമ്ബനികള്‍ക്കും ഉള്ളത്. അതുകൊണ്ട് തന്നെ കൂടുതല്‍ ഉപഭോക്താക്കളെ ചേര്‍ക്കാന്‍ പുതിയ പദ്ധതികള്‍ ഇരു ടെലികോം കമ്ബനികളും ആസൂത്രണം ചെയ്യുന്നുണ്ട്. എന്നാല്‍ വി ഇപ്പോഴും പ്രതിസന്ധിയിലാണ്. ഓരോ മാസവും വി യുടെ പ്രകടനം താഴെയാണെന്നാണ് റിപ്പോര്‍ട്ടുകള്‍.
വരുംവര്‍ഷങ്ങളില്‍ ഒന്നിലധികം നിരക്ക് വര്‍ദ്ധനവ് ഉണ്ടാകാന്‍ സാധ്യതയുണ്ടെന്നും റിപ്പോര്‍ട്ടുകള്‍ ഉണ്ട്. താരിഫ് വര്‍ധനയുടെ കാര്യത്തില്‍ വോഡഫോണ്‍ ഐഡിയയും എയര്‍ടെല്ലിനെ പിന്തുടരുമെന്നാണ് പ്രതീക്ഷിക്കുന്നത്. എയര്‍ടെല്‍ താരിഫ് വര്‍ധിപ്പിക്കുന്നത് ഒരു പക്ഷെ വി യ്ക്ക് ഗുണകരമാകാനുള്ള സാധ്യതയും വിദഗ്ധര്‍ തള്ളിക്കളയുന്നില്ല. എന്നാല്‍ നിരക്ക് വര്‍ധിപ്പിച്ചാല്‍ വിയുടെ ആര്‍പു 150 രൂപ കടന്നേക്കില്ലെന്നും റിപ്പോര്‍ട്ടുകളുണ്ട്. അതേസമയം, ജിയോ നിരക്ക് വര്‍ധനവിനെ കുറിച്ച്‌ ഇതുവരെ സൂചനകളൊന്നും നല്‍കിയിട്ടില്ല.
Content Highlights: There are reports that mobile rates are likely to increase by 10% to 12%
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !