കൊച്ചി: യുവനടിയെ പീഡിപ്പിച്ചെന്ന കേസില് നടനും നിര്മാതാവുമായ വിജയ് ബാബുവിന്റെ മുന്കൂര് ജാമ്യം റദ്ദാക്കാന് സര്ക്കാര് സുപ്രീംകോടതിയെ സമീപിക്കും. കേസില് എഫ്ഐആര് രജിസ്റ്റര് ചെയ്തശേഷമാണ് പ്രതി വിദേശത്തേക്ക് കടന്നത്. ഒളിവില് കഴിയുന്നതിനിടെയാണ് പ്രതി ഹൈക്കോടതിയില് മുന്കൂര് ജാമ്യഹര്ജി സമര്പ്പിച്ചതെന്നും സർക്കാർ സുപ്രീംകോടതിയുടെ ശ്രദ്ധയിൽ കൊണ്ടുവരും.
ഇത്തരമൊരു ഹര്ജി പരിഗണിക്കാന് പാടില്ലായിരുന്നു. എന്നാല് കോടതി ഹര്ജി പരിഗണിക്കുക മാത്രമല്ല, അറസ്റ്റ് തടഞ്ഞുള്ള ഉത്തരവും ഇറക്കി. ഇത് നിയമവിരുദ്ധമാണെന്നും സര്ക്കാര് സുപ്രീംകോടതിയെ അറിയിക്കും. അടുത്തദിവസം തന്നെ സുപ്രീംകോടതിയുടെ അവധിക്കാല ബെഞ്ചില് ജാമ്യം റദ്ദാക്കാനുള്ള ഹര്ജി സമര്പ്പിക്കാനാണ് തീരുമാനം.
അതേസമയം തുടര്ച്ചയായ മൂന്നാംദിവസവും വിജയ് ബാബു പോലീസ് സ്റ്റേഷനില് ചോദ്യംചെയ്യലിന് ഹാജരായി. ജൂലൈ മൂന്ന് വരെ പോലീസിന് മുന്നില് ഹാജരാകണമെന്നാണ് വിജയ് ബാബുവിന് ഹൈക്കോടതി നല്കിയ നിര്ദേശം.
Content Highlights: Government grants bail to Vijay Babu in Supreme Court
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !