ഡല്ഹി: രാഹുല് ഗാന്ധി നയിക്കുന്ന കോണ്ഗ്രസിന്റെ ഭാരത് ജോഡോ യാത്രക്ക് കന്യാകുമാരിയില് തുടക്കം. പ്രാര്ത്ഥനായോഗത്തിന് ശേഷം ഗാന്ധി സ്മൃതി മണ്ഡപത്തില് വെച്ച് തമിഴ്നാട് മുഖ്യമന്ത്രി എം കെ സ്റ്റാലിനില് നിന്നും പതാക രാഹുല് ഗാന്ധി ഏറ്റുവാങ്ങിയതോടെയാണ് നൂറ്റിയമ്ബത് ദിവസം നീളുന്ന യാത്രക്ക് തുടക്കമായത്.
ശ്രീ പെരുമ്ബത്തൂരിലെ രാജിവ് ഗാന്ധി സ്മൃതിമണ്ഡപത്തില് പുഷ്പാര്ച്ചന നടത്തിയാണ് രാഹുല് ഗാന്ധി കന്യാകുമാരിയിലെത്തിയത്. ഭാരത് ജോഡോ യാത്ര ഇന്ത്യന് രാഷ്ട്രീയത്തിന്്റെ നവോത്ഥാനത്തിന്്റെ നിമിഷമാണെന്ന കോണ്ഗ്രസ് ഇടക്കാല അധ്യക്ഷ സോണിയാ ഗാന്ധിയുടെ സന്ദേശം വേദിയില് വായിച്ചു. ഈ യാത്ര കോണ്ഗ്രസിന്റെ ഉയിര്ത്തെഴുന്നേല്പ്പ് ആകും. ഇന്ത്യന് രാഷ്ട്രീയത്തിലെ മാറ്റത്തിന്റെ തുടക്കമാണെന്നും സോണിയ പ്രതീക്ഷ പങ്കുവെച്ചു.
എഐസിസി ജനറല് സെക്രട്ടറി കെസി വേണുഗോപാല്, രാജസ്ഥാന് മുഖ്യമന്ത്രി അശോക് ഗെലോട്ട് തുടങ്ങിയ നേതാക്കളും രാഹുല് ഗാന്ധിക്കൊപ്പമുണ്ട്. മുതിര്ന്ന നേതാക്കളടക്കം 117 സ്ഥിരം അംഗങ്ങളാണ് പദയാത്രയില് രാഹുല് ഗാന്ധിക്കൊപ്പമുളളത്. 150 ദിവസം നീളുന്ന പദയാത്ര 12 സംസ്ഥാനങ്ങളിലൂടെ കടന്നുപോകും. ജാഥയുടെ ഭാഗമായി രാജ്യത്തെ 22 നഗരങ്ങളില് റാലികള് സംഘടിപ്പിക്കും.
രാജ്യത്ത് ഐക്യം ഉറപ്പിക്കാനെന്ന പേരിലുള്ള യാത്ര ലോക്സഭ തെരഞ്ഞെടുപ്പിന് മുമ്ബ് കോണ്ഗ്രസിനെ ശക്തിപ്പെടുത്തുന്നത് കൂടി ലക്ഷ്യമിട്ടാണ് നടത്തുന്നത്. എഴുത്തുകാര്, ആക്ടിവിസ്റ്റുകള് അടക്കമുള്ള വിവിധ വിഭാഗങ്ങളില്പെട്ടവരും യാത്രയുടെ ഭാഗമാകും. പ്രത്യേകം തെരഞ്ഞെടുത്ത കോണ്ഗ്രസ് നേതാക്കളാണ് രാഹുലിനൊപ്പം സ്ഥിരാംഗങ്ങളായി 3500 കിലോമീറ്റര് പദയാത്രയ്ക്കൊപ്പം ചേരുന്നത്.
ദേശീയതലത്തിലെ തുടര് തോല്വി, കൈപ്പിടിയിലെ സംസ്ഥാനങ്ങള് തന്നെ കൈവിടുന്ന സ്ഥിതി, ഗാന്ധി കുടുംബത്തെ പരസ്യമായി ചോദ്യം ചെയ്ത് മുതിര്ന്ന നേതാക്കള് വരെ പാര്ട്ടി വിടുന്ന അവസ്ഥ, കോണ്ഗ്രസ് ചരിത്രത്തിലെ വലിയ പ്രതിസന്ധി നേരിടുമ്ബോഴാണ് രാഹുല് കോണ്ഗ്രസ് പാര്ട്ടിയുടെ വീണ്ടെടുപ്പ് ലക്ഷ്യമിട്ട് ജോഡോ യാത്ര നടത്തുന്നത്.ചോദ്യങ്ങള്ക്കെല്ലാം യാത്ര തീരുന്നതോടെ ഉത്തരമാകുമെന്ന ആത്മവിശ്വാസമാണ് നേതൃത്വം നിരത്തുന്നത്. 3,570 കിലോമീറ്റര് പിന്നിട്ട് 2023 ജനുവരി 30 ന് കശ്മീരില് യാത്രക്ക് സമാപനമാകും.
Content Highlights: Rahul took the flag from Stalin; Congress Bharat Jodo Yatra begins
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !