വളാഞ്ചേരി 'ഈദ് ഗാഹ്' മൂവായിരത്തോളം ആളുകൾ പങ്കെടുക്കും; ഒരുക്കങ്ങൾ പൂർത്തിയായി

വളാഞ്ചേരി: ഈദുൽഫിതർ ദിനത്തിൽ വളാഞ്ചേരി എം. ഇ. എസ് കോളേജ് ഗ്രൗണ്ടിൽ സംഘടിപ്പിക്കുന്ന ഈദ് ഗാഹിന് ഒരുക്കങ്ങൾ പൂർത്തിയായതായി സംഘാടകർ വളാഞ്ചേരിയിൽ വാർത്താ സമ്മേളനത്തിൽ അറിയിച്ചു

രാവിലെ 7.30 ന് നടക്കുന്ന ഈദ് നമസ്കാരത്തിനും തുടർന്നുള്ള ഈദ് ഗാഹിനും പി. അബ്ദുറഹ്മാൻ വളാഞ്ചേരി  നേതൃത്വം നൽകും. സ്ത്രീകളും പുരുഷന്മാരുമടക്കം മുവ്വായിരത്തിലധികം പേർ പങ്കെടുക്കുമെന്ന് പ്രതീക്ഷിക്കുന്ന ഈദ് ഗാഹിന് വിപുലമായ സജ്ജീകരണങ്ങളാണ് ഈദ് ഗാഹ് കമ്മറ്റി ഒരുക്കിയിട്ടുള്ളത്.

നടക്കാവിൽ അബ്ദുൽ ജബ്ബാറിന്റെ അധ്യക്ഷതയിൽ ചേർന്ന യോഗത്തിൽ വിവിധ സബ് കമ്മിറ്റികളുടെ പ്രവർത്തനങ്ങൾ അവലോകനം ചെയ്തു. ടി. അബ്ദുൽ ഖാദർ മാസ്റ്റർ ( ഗ്രൗണ്ട് സജ്ജീകരണം), എൻ. അബ്ദുൽ ജബ്ബാർ ( ലൈറ്റ് ആൻഡ് സൗണ്ട് ), കുഞ്ഞിമുഹമ്മദ് എന്ന മണി( അക്കോമഡേഷൻ ), വി. അനസ് (വളണ്ടിയർ), കെ. ടി. അലി ( പാർക്കിംഗ് ),  നമ്പ്രത്ത് ഹുസൈൻ ( മധുര പലഹാരം ), മുനവ്വർ പാറമ്മൽ ( മീഡിയ ) പ്രൊഫസർ കെ. ടി

 ഹംസ (ഇവന്റ് മേനേജ്മെന്റ് ) എന്നിവർ സംബന്ധിച്ചു.

ടൗണിലെ വിവിധ പള്ളികളിൽ വെള്ളിയാഴ്ച ഇത് സംബന്ധിച്ച് അറിയിപ്പ് നൽകാനും ഈദ് ഗാഹിൽ നിന്ന് ലഭിക്കുന്ന സംഭാവനയിൽ നിന്ന് ചിലവ് കഴിച്ച് ബാക്കി സംഖ്യ ജീവകാരുണ്യ സാമൂഹ്യ ക്ഷേമ പ്രവർത്തനങ്ങൾക്ക് ചിലവഴിക്കാനും തീരുമാനിച്ചിട്ടുണ്ടന്നും സംഘാടകർ അറിയിച്ചു.

 വാർത്താസമ്മേളനത്തിൽ പ്രൊഫ.കെ.ടി.ഹംസ കെ.ടി.അലി മുനവ്വർ വളാഞ്ചേരി എന്നിവർ പങ്കെടുത്തു

Content Highlights: Valancherry Eid Gah.. Around 3000 people will participate.. Preparations are complete

ഏറ്റവും പുതിയ വാർത്തകൾ: