ലോകത്തിലെ ഏറ്റവും പ്രമുഖ സോഷ്യല്‍ മീഡിയ പ്ലാറ്റ്‌ഫോമുകളിലൊന്നായ ട്വിറ്ററിനെ ഏറ്റെടുത്ത് ദിവസങ്ങള്‍ക്കുള്ളില്‍ തന്റെ അടുത്ത ലക്ഷ്യം പ്രഖ്യാപിച്ച്‌ ഇലോണ്‍ മസ്ക് .
44 ബില്യണ്‍ ഡോളറിന് ട്വിറ്ററിനെ സ്വന്തമാക്കിയ ശതകോടീശ്വരനായ മസ്കിന്റെ അടുത്ത ലക്ഷ്യം കൊക്കകോളയാണ് . അടുത്തതായി താന്‍ കൊക്കക്കോള വാങ്ങാന്‍ ആഗ്രഹിക്കുന്നു എന്ന് ട്വീറ്റ് ചെയ്ത മസ്കിന്റെ ട്വീറ്റ് ഇതിനകം തന്നെ വൈറലായി കഴിഞ്ഞു. ഈ ട്വീറ്റ് ഇതിനകം 1,45,000-ലധികം തവണ റീട്വീറ്റ് ചെയ്യപ്പെട്ടു കൂടാതെ ആയിരക്കണക്കിന് കമന്റുകളും നിറയുന്നുണ്ട്.
എന്നാല്‍ മസ്കിന്റെ ഈ ട്വീറ്റ് എത്രത്തോളം ഗൗരവത്തോടെയുള്ളതാണെന്ന സംശയത്തിലാണ് സോഷ്യല്‍ മീഡിയ. കാരണം മുന്‍പ് 'ഞാന്‍ മക്‌ഡൊണാള്‍ഡ് വാങ്ങി ഐസ്‌ക്രീം മെഷീനുകളെല്ലാം ശരിയാക്കാന്‍ പോകുന്നു' എന്നൊരു ട്വീറ്റ് മസ്ക് പങ്കുവെച്ചിരുന്നു. എന്നാല്‍ ഇന്ന് അതിന്റെ സ്ക്രീന്‍ഷോട്ട് പങ്കുവെച്ചുകൊണ്ട് 'എനിക്ക് അത്ഭുതങ്ങള്‍ ചെയ്യാന്‍ കഴിയില്ല' എന്ന് മസ്ക് പറഞ്ഞു. ഇങ്ങനെ വരുമ്ബോള്‍ മസ്കിന്റെ പുതിയ ട്വീറ്റ് എത്രത്തോളം കാര്യഗൗരവം അര്‍ഹിക്കുന്നതാണെന്ന സംശയത്തിലാണ് ലോകം. അതേസമയം മസ്കിന്റെ ഈ ട്വീറ്റിനെ നിസാരമായി തള്ളിക്കളയാനും കഴിയില്ല. കാരണം ട്വിറ്റര്‍ ഏറ്റെടുക്കുന്നതിന് മുമ്ബുള്ള ആഴ്‌ചകളില്‍ മസ്ക് ഈ രീതിയില്‍ പ്ലാറ്റ്‌ഫോം മെച്ചപ്പെടുത്താന്‍ കഴിയുമെന്ന് താന്‍ വിശ്വസിക്കുന്ന ആശയങ്ങളുടെ ഒരു പരമ്ബര അവതരിപ്പിക്കുകയും അഭിപ്രായ വോട്ടെടുപ്പുകള്‍ നടത്തുകയും ചെയ്തിരുന്നു.
Content Highlights: Elon Musk has acquired Twitter, the next being Coca-Cola
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !