പൗരത്വ ഭേദഗതി നിയമത്തിനെതിരെ ഡൽഹി ജമാ മസ്ജിദ് പരിസരത്ത് വീണ്ടും പ്രതിഷേധം. വെള്ളിയാഴ്ച നമസ്കാരത്തിന് ശേഷം ഒന്നാം ഗേറ്റ് പരിസരത്ത് നൂറുകണക്കിനാളുകൾ ഒത്തുകൂടുകയായിരുന്നു. കനത്ത സുരക്ഷയാണ് മേഖലയിൽ വിന്യസിച്ചിരിക്കുന്നത്.
ഡൽഹിയിൽ മൂന്നിടങ്ങളിൽ ഇന്ന് നിരോധനാജ്ഞ പ്രഖ്യാപിച്ചിട്ടുണ്ട്. ഉച്ചയ്ക്ക് മൂന്ന് മണിയോടെ ജാമിയ മില്ലിയ സർവകലാശാലയിലെ വിദ്യാർഥികൾ ചാണക്യപുരിയിലെ യുപി ഭവനിലേക്ക് മാർച്ച് നടത്തുമെന്ന് അറിയിച്ചിട്ടുണ്ട്. ഡിവൈഎഫ്ഐ മാർച്ചിന് പിന്തുണ അറിയിച്ചിട്ടുണ്ട്
പോലീസ് അനുമതി നൽകിയിട്ടില്ലെങ്കിലും സമരത്തിൽ നിന്ന് പിൻമാറില്ലെന്ന നിലപാടാണ് വിദ്യാർഥികൾക്ക്. യുപിയിലെ പോലീസ് നടപടികളിൽ പ്രതിഷേധിച്ചാണ് യുപി ഭവൻ മാർച്ച്. യോഗി ആദിത്യനാഥ് രാജിവെക്കണമെന്നും ഇവർ ആവശ്യപ്പെടുന്നു.
ഡൽഹി ജോർബാഗ് പരിസരത്ത് ചന്ദ്രശേഖർ ആസാദിന്റെ ഭീം ആർമി പ്രവർത്തകർ പ്രതിഷേധ സമരം ആരംഭിച്ചു. കസ്റ്റഡിയിലുള്ള ആസാദിനെ മോചിപ്പിക്കണമെന്ന് ആവശ്യപ്പെട്ടാണ് സമരം
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !