- 30 തീവണ്ടികള് വൈകിയോടുന്നു.
- വിമാനങ്ങള് വഴിതിരിച്ചുവിട്ടു.
ന്യൂഡല്ഹി: വായുമലിനീകരണത്തിന് പിന്നാലെ കനത്ത മൂടല് മഞ്ഞുകൂടി ആയതോടെ ഡല്ഹി നഗരത്തിലെ ജനജീവിതം ശരിക്കും അവതാളത്തിലായിരിക്കുകയാണ്. മൂടല് മഞ്ഞിനെ തുടര്ന്ന് ഡല്ഹിയിലുണ്ടായ വാഹനാപകടത്തിന്റെ ഞെട്ടിക്കുന്ന വാര്ത്തയാണ് ഇപ്പോള് പുറത്ത് വരുന്നത്. രണ്ട് കുട്ടികള് അടക്കം ആറ് പേരാണ് മരിച്ചത്. കൂടാതെ അഞ്ചു പേര്ക്ക് പരിക്കേറ്റിട്ടുണ്ട്.
ഉത്തര്പ്രദേശിലെ ഗ്രേറ്റര് നോയിഡയില് കാര് കനാലിലേയ്ക്ക് മറിഞ്ഞാണ് അപകടമുണ്ടായത്. ഞായറാഴ്ച രാത്രി 11.30 ഓടെയായിരുന്നു അപകടം. സംഭലില്നിന്ന് ഡല്ഹിയിലേയ്ക്ക് പുറപ്പെട്ട സംഘത്തിന്റെ വാഹനമാണ് അപകടത്തില്പ്പെട്ടത്. മഹേഷ്, കിഷന്, നീരേഷ്, രാം ഖിലാഡി, മല്ലു, നേത്രപാല് എന്നിവരാണ് മരിച്ചത്.
കനത്ത മൂടല്മഞ്ഞിനെ തുടര്ന്ന് പുറത്തേക്കുള്ള കാഴ്ച നഷ്ടപ്പെടുകയും തുടര്ന്ന് വാഹനം നിയന്ത്രണം വിട്ട് കനാലിലേയ്ക്ക് പതിക്കുകയുമായിരുന്നു എന്നാണ് ലഭിക്കുന്ന വിവരം. വാഹനത്തില് ഉണ്ടായിരുന്ന മുഴുവന് പേരെയും ഉടന്തന്നെ ആശുപത്രിയില് എത്തിച്ചെങ്കിലും ആറു പേര് മരിക്കുകയായിരുന്നെന്ന് പോലീസ് വ്യക്തമാക്കി.
Latest temperature(minimum) figures: Lodhi Road at 2.2 degrees and Aya Nagar at 2.5 degrees. #Delhi https://t.co/oLBoPmiioA— ANI (@ANI) December 30, 2019
രണ്ടാഴ്ചയോളമായി ഡല്ഹിക്ക് പുറമെ യുപി, ബിഹാര്, ഹരിയാണ, പഞ്ചാബ്, രാജസ്ഥാന് തുടങ്ങിയ സംസ്ഥാനങ്ങളിലും കടുത്ത ശൈത്യമാണ് അനുഭവപ്പെടുന്നത്. മൂടല്മഞ്ഞും വായുവിലെ പൊടിപടലങ്ങളും മൂലം പകല് പോലും പുറത്തിറങ്ങാനാവാത്ത അവസ്ഥയാണ് ഡല്ഹിയിലുള്ളത്. കാലാവസ്ഥാ നിരീക്ഷണ കേന്ദ്രം അതീവ ജാഗ്രതാ നിര്ദേശം പുറപ്പെടുവിച്ചിട്ടുണ്ട്.
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !