കാടത്ത നിയമങ്ങളിലൂടെ ഇന്ത്യയുടെ മഹിതമായ ഭരണഘടനയേയും ബഹുസ്വരതയെയും തച്ചു തകർത്തു മതാടിസ്ഥാനത്തിൽ ഒരു വിഭാഗത്തെ മാത്രം ഒറ്റപ്പെടുത്താനുള്ള ഫാസിസ്റ്റ് സർക്കാരിൻറെ തീരുമാനം തീർത്തും നിരുത്തരവാദപരവും തിരുത്തപ്പെടേണ്ടതുമാണ്. ഇത് തിരുത്തപ്പെടുന്നത് വരെ സമരരംഗത്ത് മതേതര വിശ്വാസികൾ ഒറ്റക്കെട്ടായി ഉണ്ടാവുമെന്ന് പറഞ്ഞു. നാട്ടിൽ നടക്കുന്ന പ്രതിഷേധങ്ങൾക്ക് പ്രവാസ ഭൂമികയിൽ നിന്നും ഐക്യദാർഢ്യം പ്രഖ്യാപിച്ചു കൊണ്ട് 20 നു വെള്ളിയാഴ്ച്ചയാണ് സമ്മേളനം.
കേന്ദ്ര സർക്കാർ പാർലമെന്റിൽ പാസാക്കിയ പൗരത്വ ഭേദഗതി നിയമം ഭരണഘടന ഉറപ്പുനൽകിയ തുല്യത നിഷേധിക്കുന്നതും രാജ്യത്തെ വംശീയമായി വിഭജിക്കുന്നതുമാണ്. മത-ജാതി പരിഗണനകൾക്ക് അതീതമായി ഭരണഘടന നിർവചിച്ച ഇന്ത്യൻ പൗരത്വം മുസ്ലികൾക്ക് നിഷേധിക്കുക എന്ന ഫാഷിസ്റ്റ് പദ്ധതിയാണ് പൗരത്വ ബില്ലിന് പിന്നിലുള്ളത്. ഭരണഘടനയുടെ മരണമാണിത്. രാജ്യത്ത് ജനിച്ച് ജീവിക്കുന്ന ജനങ്ങളുടെ പൗരത്വം ഇല്ലാതാക്കി അവരെ രാജ്യമില്ലാത്ത ജനതയാക്കുക എന്ന ലക്ഷ്യം വെച്ചാണ് എൻ.ആർ.സി തയ്യാറാക്കുന്നത്. രാജ്യത്തെ വിഭജിക്കുന്ന ഈ നിയമങ്ങൾക്കെതിരെ ശക്തമായ ജനാധിപത്യ ജനകീയ പ്രതിരോധം കെട്ടിപ്പടുക്കേണ്ടത് അനിവാര്യമാണ്. രാഷ്ട്രീയ-സാമൂഹിക-മത-സാംസ്കാരിക പ്രസ്ഥാനങ്ങളും പൗരാവകാശ പ്രവർത്തകരും ഒരുമിച്ചുനിന്ന് സംഘ്പരിവാർ സർക്കാരിന്റെ ഭരണഘടനാ വിരുദ്ധവും രാജ്യവിരുദ്ധവുമായ നിലപാടുകളെ ചെറുക്കുന്ന ഈ സാഹചര്യത്തിൽ സമസ്ത ഇസ്ലാമിക് സെന്റർ സൗദി നാഷണൽ കമ്മറ്റി പൗരത്വ നിയമത്തെ ശക്തമായി അപലപിക്കുന്നതായും നേതാക്കൾ പറഞ്ഞു.
വാർത്താ സമ്മേളനത്തിൽ സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറി പ്രൊ:ആലിക്കുട്ടി മുസ്ല്യാർ,എസ് ഐ സി സൗദി ദേശീയ സെക്രട്ടറി അലവിക്കുട്ടി ഒളവട്ടൂർ, ദേശീയ വർക്കിങ് സെക്രട്ടറി അബ്ദുറഹ്മാൻ മൗലവി അറക്കൽ, ദേശീയ വൈസ് പ്രസിഡന്റുമാരായ ഇബ്റാഹീം ഓമശ്ശേരി, ബഷീർ ബാഖവി, കിഴക്കൻ പ്രവിശ്യ കമ്മിറ്റി ജനറൽ സെക്രട്ടറി അബ്ദുറഹ്മാൻ പൂനൂർ , ദമാം സെൻട്രൽ കമ്മിറ്റി പ്രസിഡന്റ് ഫവാസ് ഹുദവി പട്ടിക്കാട് തുടങ്ങിയവർ പങ്കെടുത്തു.
Download Mediavision TV Apps and watch Live TV and read latest news in your mobile. You can opt to receive breaking news notifications to your phone.
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !