പ്രത്യേക സബ്സ്ക്രിപ്ഷന് പ്ലാനുകളില്ലാതെ ഇന്റര്നെറ്റ് വഴി സൗജന്യമായി നാട്ടിലേക്ക് വിളിക്കാന് പ്രവാസികളെ സഹായിച്ചിരുന്ന ടോടോക്ക് മൊബൈല് ആപ്ലിക്കേഷന് ഇനി യുഎഇയില് ലഭ്യമാവില്ല. ആപ്പിള് ആപ്പ് സ്റ്റോറില് നിന്നും ഗൂഗ്ള് പ്ലേ സ്റ്റോറില് നിന്നും ടോടോക്ക് ആപ്പ് നീക്കം ചെയ്തിട്ടുണ്ട്. മികച്ച വോയിസ്, വീഡിയോ ക്ലാരിറ്റിയോടെയുള്ള കോള് സംവിധാനങ്ങള് വളരെ വേഗത്തിലാണ് ടോടോക്കിന് പ്രവാസികള്ക്ക് പ്രിയങ്കരമാക്കിയത്.
പ്രത്യേക ഇന്റര്നെറ്റ് പാക്കേജോ, വി.പി.എന് പോലുള്ള സംവിധാനങ്ങളോ ഇല്ലാതെയും പണമടയ്ക്കാതെയും വീഡിയോ കോള് ചെയ്യാനാവുമെന്നതാണ് ടോടോക്കിന്റെ സവിശേഷത. മെസേജ് ചെയ്യാനും 20 പേര് വരെ ഉള്ക്കൊള്ളുന്ന കോണ്ഫറന്സ് കോളുകള്ക്കും ഇതില് സൗകര്യമുണ്ട്. മാസങ്ങള്ക്ക് മുന്പ് ടോടോക്ക് യുഎഇയില് ലഭ്യമായിത്തുടങ്ങിയപ്പോള് തന്നെ പലരും, അതുവരെ പണം നല്കി ഉപയോഗിച്ചിരുന്ന മറ്റ് ആപുകള് ഒഴിവാക്കാന് തുടങ്ങി. കുറഞ്ഞത് 50 ദിര്ഹം സബ്സ്ക്രിപ്ഷന് ചാര്ജും ഇതിന് പുറമെ ഇന്റര്നെറ്റ് ഉപയോഗ ചാര്ജും നല്കിയായിരുന്നു നേരത്തെയുണ്ടായിരുന്ന ബോട്ടിം ഉള്പ്പെടെയുള്ള ആപുകള് സേവനം നല്കിക്കൊണ്ടിരുന്നത്. എന്നാല് പ്രത്യേക ഇന്റര്നെറ്റ് കോളിങ് പ്ലാനുകളൊന്നും ആവശ്യമില്ലാതെയാണ് ടോടോക്ക് പ്രവര്ത്തിക്കുന്നത്.
പ്ലേ സ്റ്റോര് വഴിയും ആപ് സ്റ്റോര് വഴിയും ടോടോക്ക് ലഭിക്കുന്നില്ലെങ്കിലും നിലവില് ആപ് ഇന്സ്റ്റാല് ചെയ്തിട്ടുള്ളവര്ക്ക് ഇപ്പോഴും തടസങ്ങളിലാതെ ഉപയോഗിക്കാന് കഴിയുന്നുണ്ട്.നിലവില് വാട്സ്ആപ്, സ്കൈപ്പ്, ഫേസ്ബുക്ക്, ഗൂഗ്ള് ഡുവോ, ഐഎംഓ, മെസഞ്ചര്, തുടങ്ങിയവയിലൂടെയുള്ള വോയിസ്, വീഡിയോ കോളുകള് യുഎഇയില് ലഭ്യമാവുകയില്ല.
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !