തിരുവനന്തപുരം : സംസ്ഥാനത്ത് ഡിജിറ്റല് സര്വകലാശാല സ്ഥാപിക്കാന് മന്ത്രിസഭാ തീരുമാനം. ഇതിനായി ഓര്ഡിനന്സ് ഇറക്കാന് സര്ക്കാര് തീരുമാനിച്ചു. തിരുവനന്തപുരത്ത് പ്രവര്ത്തിക്കുന്ന ഐഐഐടിഎംകെ എന്ന സ്ഥാപനമാണ് ഡിജിറ്റല് സര്വകലാശാലയാക്കി ഉയര്ത്തുന്നത്.
ആഗോള രംഗത്തോട് കിടപിടിക്കുന്ന രീതിയില് സംസ്ഥാനത്തെ വിവരസാങ്കേതിക വിദ്യാഭ്യാസം ഉയര്ത്തുക എന്ന ലക്ഷ്യത്തോടെയാണ് സര്ക്കാര് ഡിജിറ്റല് സര്വകലാശാല ആരംഭിക്കാന് തീരുമാനിച്ചത്. ഐടി മേഖലയിലെ നൂതന കോഴ്സുകള് ഏകോപിപ്പിക്കുകയാണ് ഡിജിറ്റല് സര്വകലാശാലയിലൂടെ ലക്ഷ്യമിടുന്നത്.
ബിരുദാനന്തര കോഴ്സുകള് നടത്താനാണ് തീരുമാനിച്ചിട്ടുള്ളത്. എംഎസ്സി കംപ്യൂട്ടര് സയന്സ് അടക്കം ഐടി രംഗത്തെ എല്ലാതരം കോഴ്സുകളെയും ഒരു കുടക്കീഴില് കൊണ്ടുവരാനാണ് സര്ക്കാരിന്റെ പദ്ധതി. തിരുവനന്തപുരം ടെക്നോ പാര്ക്കില് പ്രവര്ത്തിക്കുന്ന ഇന്ത്യന് ഇന്സ്റ്റിറ്റിയൂട്ട് ഓഫ് ഇന്ഫര്മേഷന് ടെക്നോളജി മാനേജ്മെന്റ് കേരള എന്ന സ്ഥാപനമാണ് ഡിജിറ്റല് സര്വകലാശാലയായി ഉയര്ത്തുന്നത്.
ഇവിടെ നിലവില് അഞ്ച് എംഎസ് സി കോഴ്സുകളും പിഎച്ച്ഡി, എംഫില് കോഴ്സുകളും നടക്കുന്നുണ്ട്. കൂടുതല് സൗകര്യങ്ങളും കോഴ്സുകളും ഏര്പ്പെടുത്തി സര്വകലാശാലയായി ഉയര്ത്താനാണ് പദ്ധതിയിട്ടിട്ടുള്ളത്. ഇതുസംബന്ധിച്ച ഓര്ഡിനന്സ് ഉടന് പുറത്തിറക്കും. പിന്നീട് നിയമസഭയില് വിഷയം ചര്ച്ച ചെയ്യും.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !