ഇന്ത്യൻ ഭരണഘടനയെ ജാതീയത കൊണ്ട് ഭിന്നിപ്പിക്കുകയാണ് കേന്ദ്ര സർക്കാർ: കാന്തപുരം എ.പി അബൂബക്കർ മുസ്ലിയാർ

കോഴിക്കോട്: ഇന്ത്യൻ ഭരണഘടനയെ ജാതീയത കൊണ്ട് ഭിന്നിപ്പിക്കുകയാണ് കേന്ദ്ര സർക്കാർ ചെയ്യുന്നത്. രാജ്യത്തെ ജനങ്ങളെ ഭിന്നിപ്പിച്ചത് കൊണ്ട് എന്ത് നേട്ടമാണ് കേന്ദ്ര സർക്കാറിനുള്ളതെന്ന് വ്യക്തമാകുന്നില്ല. ഇത് മുസ്ലിംകളുടെ പ്രശ്‌നമല്ല. രാജ്യത്തിന്റെ പ്രശ്‌നമാണ്. രാജ്യത്തിന്റെ അഖണ്ഡത കാത്തുസൂക്ഷിക്കാനുള്ള പോരാട്ടമാണിത്. ഈ രീതിയിൽ മുന്നോട്ടുപോയാൽ രാജ്യം നശിക്കും എന്ന് തിരിച്ചറിഞ്ഞതുകൊണ്ടാണ് രംഗത്തിറങ്ങുന്നതെന്നും കാന്തപുരം പറഞ്ഞു. 

പൗരത്വനിയമത്തിൽ മുസ്്‌ലിംകളെ മാത്രം ഒഴിവാക്കിയതിന്റെ കാരണം എന്തുകൊണ്ടാണെന്ന് സർക്കാർ ഇതേവരെ വ്യക്തമാക്കിയിട്ടില്ലെന്ന് കാന്തപുരം എ.പി അബൂബക്കർ മുസ്ലിയാർ പറഞ്ഞു. കോഴിക്കോട്ട് യു.ഡി.എഫ് സംഘടിപ്പിച്ച പ്രതിഷേധ സമ്മേളനത്തില്‍ സംസാരിക്കുകയായിരുന്നു അദ്ദേഹം.

താൽപര്യങ്ങളൊന്നുമില്ലാതെ എല്ലാവരും ഈ സമരത്തിന് യോജിച്ചു രംഗത്തുവരണമെന്നും കാന്തപുരം ആവശ്യപ്പെട്ടു. രാജ്യം ഉണ്ടായത് മുതൽ ഇവിടെ മുസ്ലിംകളുണ്ടെന്നും ആരെയും ഇവിടെനിന്ന് ആട്ടിയോടിക്കാൻ അനുവദിക്കില്ലെന്നും കാന്തപുരം വ്യക്തമാക്കി. 

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp  ഗ്രൂപ്പിൽ അംഗമാവുക !