ന്യൂഡല്ഹി: കൊറോണ വൈറസ് ബാധയെ തുടര്ന്ന് ചൈനയിലെ വുഹാന് അടക്കമുള്ള നഗരങ്ങളില് നിന്നും ഇന്ത്യക്കാരെ ഒഴിപ്പിക്കാനുള്ള നടപടികളുമായി കേന്ദ്ര സര്ക്കാര്.
ക്യാബിനറ്റ് സെക്രട്ടറി രാജീവ് ഗൗബയുടെ അധ്യക്ഷതയില് ഡല്ഹിയില് ചേര്ന്ന ഉന്നതതല യോഗത്തില് ഇതുസംബന്ധിച്ച നിര്ദ്ദേശം കേന്ദ്ര വിദേശകാര്യ മന്ത്രാലയത്തിനും വ്യോമയാന മന്ത്രാലയത്തിനും നല്കി.
പാസ്പോര്ട്ട് കൈവശമില്ലാത്തവര് അടിയന്തരമായി ബന്ധപ്പെടണമെന്ന് ബെയ്ജിംഗിലെ ഇന്ത്യന് സ്ഥാനപതികാര്യാലയം നിര്ദ്ദേശിച്ചിട്ടുണ്ട്. വിസയോ വര്ക്ക് പെര്മിറ്റോ പുതുക്കുന്നതിനുവേണ്ടി പാസ്പോര്ട്ട് ചൈനീസ് അധികൃതര്ക്ക് നല്കിയിട്ടുള്ളവരാണ് വിവരങ്ങള് കൈമാറേണ്ടത്.
എംബസിയുടെ മൂന്ന് ഹോട്ട്ലൈനുകള്ക്ക് പുറമെ പാസ്പോര്ട്ട് കൈവശം ഇല്ലാത്തവര്ക്ക് വിവരങ്ങള് അറിയിക്കാന് പ്രത്യേക ഇമെയില് ഐഡിയും തയ്യാറാക്കിയിട്ടുണ്ട്.
മാത്രമല്ല ഭക്ഷണത്തിലും വെള്ളത്തിനും ബുദ്ധിമുട്ട് നേരിടുന്നവരും വിവരം അറിയിക്കണമെന്നും എംബസി നിര്ദ്ദേശിച്ചിട്ടുണ്ട്.
അറിയിക്കുന്നവര്ക്ക് ചൈനീസ് അധികൃതരുമായി ബന്ധപ്പെട്ട് ഭക്ഷണവും വെള്ളവും എത്തിക്കുമെന്നാണ് എംബസി വാഗ്ദാനം നല്കുന്നത്. ഉന്നതതല യോഗത്തില് വിവിധ മന്ത്രാലയങ്ങളുടെ സെക്രട്ടറിമാര് പങ്കെടുത്തിരുന്നു.
ഇതിനിടയില് ചൈനയില് കൊറോണ വൈറസ് ബാധിച്ചവരുടെ എണ്ണം 106 ആയി. 4193 പേര്ക്ക് വൈറസ് ബാധ സ്ഥിരീകരിച്ചുവെന്നാണ് റിപ്പോര്ട്ട്. ചൈനയ്ക്ക് പുറത്ത് അമേരിക്ക ഉള്പ്പെടെ 13 സ്ഥലങ്ങളിലായി 50 പേര്ക്ക് കൊറോണ വൈറസ് ബാധ സ്ഥിരീകരിച്ചതായും റിപ്പോര്ട്ട് ഉണ്ട്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !