നേപ്പാളില് ഹോട്ടല് മുറിയില് എട്ട് മലയാളി വിനോദസഞ്ചാരികളെ മരിച്ചനിലയില് കണ്ടെത്തി. ദമനിലെ റിസോര്ട്ട് മുറിയില് അബോധാവസ്ഥയിലായിരുന്ന ഇവരെ ആശുപത്രിയില് എത്തിച്ചെങ്കിലും അപ്പോഴേക്കും മരിച്ചിരുന്നു. പ്രവീണ് കുമാര് നായര് (39), ശരണ്യ (34) രഞ്ജിത് കുമാര് ടി ബി (39) ഇന്ദു രഞ്ജിത് (34), ശ്രീഭദ്ര (9) അഭിനവ് സൂര്യ (9) അഭി നായര്(7), വൈഷ്ണവ് രഞ്ജിത് (2) എന്നിവരാണ് മരിച്ചത്. പ്രവീകുമാര് ചെങ്കോട്ടുകോണം സ്വദേശിയും രഞ്ജിത്ത് കോഴിക്കോട് കുന്നമംഗലം സ്വദേശിയുമാണ്.
ദമാനിലെ എവറസ്റ്റ് പനോരമ റിസോര്ട്ടിലാണ് ഇവര് താമസിച്ചിരുന്നത്. തണുപ്പകറ്റാന് ഇവര് മുറിയിലെ ഗ്യാസ് ഹീറ്റര് ഉപയോഗിച്ചിരുന്നു. ജനലുകളും മറ്റും അടച്ചിട്ടതിനാല് വിഷവാതകം ശ്വസിച്ചാണ് ശ്വാസം മുട്ടിയാകും മരിച്ചതെന്നാണ് പ്രാഥമിക നിഗമനം. ഇവരെ ഹെലികോപ്ടറില് ആശുപത്രിയില് എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നുവെന്ന് ആശുപത്രി അധികൃതര് പറഞ്ഞു.
15 പേരടങ്ങുന്ന സംഘം തിങ്കളാഴ്ച രാത്രി 9.30നാണ് ഇവര് ഹോട്ടലിലെത്തിയത്. മൃതദേഹങ്ങള് എത്രയും പെട്ടെന്ന് നാട്ടിലെത്തിക്കാന് നടപടി സ്വീകരിച്ചിട്ടുണ്ടെന്നും നോര്ക്ക അധികൃതര് ഇന്ത്യന് എംബസി അധികൃതരുമായി ബന്ധപ്പെടുന്നുണ്ടെന്ന് മുഖ്യമന്ത്രി പിണറായി വിജയന് അറിയിച്ചു. ബുധനാഴ്ച ഇവരുടെ മൃതദേഹം നാട്ടിലെത്തിക്കാനാവുമെന്നാണ് പ്രതീക്ഷി്ക്കുന്നതെന്നും അദ്ദേഹം അറിയിച്ചു.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !