വയനാട്: യാത്രക്കാരെ പരിക്കേല്പ്പിച്ച സ്വകാര്യ ബസ് ജീവനക്കാരുടെ അഹങ്കാരത്തിനും ക്രൂരതയ്ക്കും തിരിച്ചടി നല്കി ട്രാന്സ്പോര്ട്ട് ഓഫീസര്. വയനാട് ബത്തേരിയില് മീനങ്ങാടിക്കടുത്ത് അച്ഛനെയും മകളെയും ബസില്നിന്ന് തള്ളിയിട്ട ജീവനക്കാരുടെ ലൈസന്സ് സസ്പെന്റ് ചെയ്താണ് വയനാട് റീജിയണല് ട്രാന്സ്പോര്ട്ട് ഓഫീസര് നടപടിയെടുത്തത്. ഡ്രൈവര് വിജീഷ് കണ്ടക്ടര് ലതീഷ് എന്നിവരുടെ ലൈസന്സ് സസ്പെന്റ് ചെയ്യാനുള്ള നടപടികള് ആരംഭിച്ചതായി ബന്ധപ്പെട്ട വൃത്തങ്ങള് അറിയിച്ചു.
വിദ്യാര്ത്ഥികള് ബസില് കയറാതിരിക്കാന് ബസ് ജീവനക്കാര് ശ്രമിക്കുന്നതിനിടെയാണ് അപകടം. കാലിന് ഗുരുതരമായി പരിക്കേറ്റ കാര്യമ്ബാടി സ്വദേശി ജോസഫ് കല്പറ്റയിലെ സ്വകാര്യ ആശുപത്രിയില് ചികിത്സയിലാണ്. ഇന്നലെ വൈകിട്ടാണ് സംഭവം ഉണ്ടായത്. ബത്തേരിയില് നിന്ന് അന്പത്തിനാലിലേക്ക് വരുന്ന വഴിയാണ് സംഭവം നടന്നത്. ഇറങ്ങുന്നതിന് മുന്പ് ബസ് മുന്നോട്ട് എടുത്തതിനെ തുടര്ന്ന് ജോസഫിന്റെ മകള് നീതു റോഡിലേക്ക് തെറിച്ചു വീണു. ബസ് നിര്ത്താതെ പോകുകയും യാത്രക്കാര് ബഹളം വച്ചതിനെ തുടര്ന്ന് അല്പദൂരം മാറി ബസ് നിര്ത്തുകയും ചെയ്തു. സംഭവം ചോദിക്കാനായി ബസിലേക്ക് കയറിയ ജോസഫിനെ കണ്ടക്ടര് പുറത്തേയ്ക്ക് തള്ളിയിടുകയും ചെയ്തു.
റോഡിലേക്ക് വീണ ജോസഫിന്റെ കാലിലൂടെ ബസ് കയറിയിറങ്ങി. തുടയിലെ എട്ട് പൊട്ടി പുറത്തേക്ക് വന്നു. മുട്ടിന്റെ ചിരട്ട പൊടിഞ്ഞുപോകുകയും ചെയ്തു. കല്പ്പറ്റ-ബത്തേരി റൂട്ടില് സര്വീസ് നടത്തുന്ന പരശുറാം എക്സ്പ്രസ് എന്ന ബസിലാണ് സംഭവം നടന്നത്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !