കോഴിക്കോട്: മുന്മന്ത്രിയും മുതിര്ന്ന കോണ്ഗ്രസ് നേതാവുമായ എം കമലം അന്തരിച്ചു. കോഴിക്കോട്ടെ വസതിയില് വെച്ച് രാവിലെ ആറുമണിയോടെയായിരുന്നു അന്ത്യം. 95 വയസ്സായിരുന്നു. സംസ്കാരം വൈകീട്ട് അഞ്ചുമണിക്ക് മാവൂര് റോഡ് ശ്മശാനത്തില് നടക്കും.
1946ലാണ് രാഷ്ട്രീയത്തില് എത്തിയ കമലം, കരുണാകരന് മന്ത്രിസഭയില് 82 മുതല് 87 വരെ സഹകരണമന്ത്രിയായിരുന്നു. കോണ്ഗ്രസിന്റെ കേരള ചരിത്രത്തിലെ ഏറ്റവും പ്രമുഖയായ വനിതാ നേതാവായിരുന്നു എം കമലം. മുന്പ്രധാനമന്ത്രി ഇന്ദിരാഗാന്ധിയുമായി നല്ല ബന്ധം സൂക്ഷിച്ചിരുന്നു ഇവര്.
വനിതാ കമ്മിഷന് ചെയര്പേഴ്സണ്, കെപിസിസി വൈസ് പ്രസിഡന്റ്, ജനറല്സെക്രട്ടറി, എഐസിസി അംഗം തുടങ്ങിയ നിലകളില് ഏഴുപതിറ്റാണ്ടുകാലം പൊതുരംഗത്ത് കര്മനിരതയായിരുന്നു എം കമലം.
ഭര്ത്താവ് പരേതനായ മാമ്ബറ്റ സാമിക്കുട്ടി. എം. യതീന്ദ്രദാസ് പത്മജ ചാരുദത്തന്, എം മുരളി, എം രാജഗോപാല്, എം വിജയകൃഷ്ണന് എന്നിവരാണ് മക്കള്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !