തിരുവനന്തപുരം: മാധ്യമ പ്രവര്ത്തകന് കെ.എം. ബഷീര് വാഹനമിടിച്ചു കൊല്ലപ്പെട്ട കേസില് സസ്പെന്ഷനിലുള്ള ഐ.എ.എസ് ഉദ്യോഗസ്ഥന് ശ്രീറാം വെങ്കിട്ടരാമനെ സര്വീസില് തിരിച്ചെടുക്കുന്നു. ശ്രീറാമിനെ തിരിച്ചെടുക്കാന് ചീഫ് സെക്രട്ടറി ടോം ജോസ് ചെയര്മാനായ ഉദ്യോഗസ്ഥ സമിതി സര്ക്കാരിന് ശുപാര്ശ നല്കി.
ആഗസ്റ്റ് മൂന്നിന് രാത്രി 12.55 നാണ് ബഷീര് കൊല്ലപ്പെട്ടത്. അന്നു ശ്രീറാം സര്വേ ഡയറക്ടറായിരുന്നു. ഐ.എ.എസ് ഉദ്യോഗസ്ഥരെ ആറ് മാസം വരെ സസ്പെന്ഡ് ചെയ്യാന് സര്ക്കാരിന് അധികാരമുണ്ട്. അതിനുശേഷം ഉദ്യോഗസ്ഥനു കേന്ദ്ര അഡ്മിനിസ്ട്രേറ്റീവ് ട്രൈബ്യൂണലിനെ സമീപിക്കാം. കേസില് പൊലീസ് ഇതുവരെ കുറ്റപത്രം നല്കിയിട്ടില്ല. കുറ്റപത്രം നല്കിയാല് സസ്പെന്ഷന് റദ്ദാക്കാനാവില്ല.
അപകടം നടക്കുമ്ബോള് താനല്ല, ഒപ്പമുണ്ടായിരുന്ന സുഹൃത്ത് വഫയാണു കാര് ഓടിച്ചതെന്നായിരുന്നു ശ്രീറാം ചീഫ് സെക്രട്ടറിക്കു നല്കിയ വിശദീകരണം. അപകടം ഉണ്ടായ ഉടന് ബഷീറിനെ ആശുപത്രിയിലെത്തിക്കാന് ശ്രമിച്ചു. പരിശോധനയില് രക്തത്തില് മദ്യത്തിന്റെ അംശം കണ്ടെത്തിയിട്ടില്ലെന്നും ചീഫ് സെക്രട്ടറിയെ ശ്രീറാം അറിയിച്ചിരുന്നു. ഇതെല്ലാം പരിഗണിച്ചാണ് ശ്രീറാമിനെ തിരിച്ചെടുക്കാനുള്ള ചീഫ്സെക്രട്ടറിയുടെ ശുപാര്ശ. ഇത് അംഗീകരിച്ച് ശ്രീറാമിനെ ഉടന് സര്വീസില് തിരിച്ചെടുക്കുമെന്നാണ് സൂചന.
ഓഗസ്റ്റ് ആറിനാണ് കേസില് ശ്രീറാം വെങ്കിട്ടരാമന് ജാമ്യം ലഭിച്ചത്. തിരുവനന്തപുരം സിജെഎം കോടതിയാണ് ശ്രീറാമിന് ജാമ്യം അനുവദിച്ചത്. ശ്രീറാം മദ്യപിച്ചിരുന്നുവെന്ന് തെളിയിക്കാന് പ്രോസിക്യൂഷന് സാധിച്ചിരുന്നില്ല. ശ്രീറാമിനെ കസ്റ്റഡിയില് വേണമെന്ന പൊലീസ് ആവശ്യം കോടതി തള്ളുകയായിരുന്നു. സംഭവത്തെക്കുറിച്ച് അന്വേഷിക്കാനായി പ്രത്യേക അന്വേഷണ കമ്മീഷനെ സര്ക്കാര് നേരത്തെ നിയമിച്ചിരുന്നു. ഈ അന്വേഷണ കമ്മീഷന്റെ റിപ്പോര്ട്ട് മൂന്ന് ദിവസത്തിനുള്ളില് വരാനിരിക്കെയാണ് സര്വീസില് തിരിച്ചെടുക്കണമെന്ന് ആവശ്യപ്പെട്ടുള്ള ശുപാര്ശ.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !