ജെ എൻ യു ക്യാമ്പസിൽ ഒരു സംഘം ഗുണ്ടകൾ മുഖംമൂടി ധരിച്ചെത്തി അക്രമം അഴിച്ചുവിട്ട സംഭവത്തിൽ ഡൽഹി ലഫ്. ഗവർണർ അനിൽ ബൈജാലുമായി സംസാരിച്ചതായി കേന്ദ്ര ആഭ്യന്തരമന്ത്രി അമിത് ഷാ. സർവകലാശാല പ്രതിനിധികളുമായും വിദ്യാർഥികളുമായും ചർച്ചകൾ നടത്താൻ ലഫ്. ഗവർണറോട് മന്ത്രി നിർദേശിച്ചു
ക്യാമ്പസിൽ അക്രമം നടത്തിയ സംഭവം ക്രൈംബ്രാഞ്ച് അന്വേഷിക്കും. ആക്രമണം നടത്തിയവരെ തിരിച്ചറിഞ്ഞതായി ഡൽഹി പോലീസ് പറയുന്നുണ്ടെങ്കിലും ഇതുവരെ ആരെയും തിരിച്ചറിഞ്ഞിട്ടില്ല. ഇതിനെതിരെ വ്യാപക പ്രതിഷേധമാണ് ഉയരുന്നത്.
ചർച്ചകൾക്ക് മുൻകൈയെടുക്കാൻ ലഫ്. ഗവർണറോട് അമിത് ഷാ നിർദേശിച്ചതായി ആഭ്യന്തരമന്ത്രാലയം അറിയിച്ചു. ജെ എൻ യുവിലെ ആക്രമണത്തിൽ അടിയന്തര അന്വേഷണം നടത്താനും റിപ്പോർട്ട് നൽകാനും ഡൽഹി പോലീസ് മേധാവിയോട് അമിത് ഷാ ആവശ്യപ്പെട്ടിട്ടുണ്ട്.
ഞായറാഴ്ച രാത്രിയാണ് മുഖം മൂടി ധരിച്ചെത്തിയ ഒരു സംഘം ക്രിമിനലുകൾ വിദ്യാർഥികളെയും അധ്യാപകരെയും ആക്രമിച്ചത്. അക്രമികൾ എ ബി വി പിക്കാരാണെന്ന് വിദ്യാർഥികൾ ആരോപിക്കുന്നു. ആക്രമണത്തിൽ ജെ എൻ യു പ്രസിഡന്റ് ഐഷി ഘോഷിന് ഗുരുതരമായി പരുക്കേറ്റിരുന്നു. ഇവരെ ഡൽഹി എയിംസ് ആശുപത്രിയിൽ പ്രവേശിപ്പിച്ചിരിക്കുകയാണ്
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !