ന്യൂഡല്ഹി : ജവഹര്ലാല് നെഹ്റു സര്വകലാശാല വി..സി ജഗദീഷ് കുമാറിനെ മാറ്റണമെന്ന് ആവശ്യപ്പെട്ട് വിദ്യാര്ത്ഥികള് രാഷ്ട്രപതി ഭവനിലേക്ക് നടത്തിയ മാര്ച്ച് പൊലീസ് തടഞ്ഞു. തുടര്ന്ന് പൊലീസ് വിദ്യാര്ത്ഥികള്ക്ക് നേരെ ലാത്തിവിശീ.. വിദ്യാര്ത്ഥികളെ പൊലീസ് അറസ്റ്റ് ചെയ്ത് നീക്കാന് ശ്രമിക്കുകയാണ്. സ്ഥലത്ത് കൂടുതല് പൊലീസ് ഉദ്യോഗസ്ഥര് എത്തിക്കൊണ്ടിരിക്കുകയാണ്.
ജഗദീഷ് കുമാറിനെ വി.സി സ്ഥാനത്ത് നിന്ന് മാറ്റണമെന്ന് ആവശ്യപ്പെട്ട് വിദ്യാര്ത്ഥികളും അധ്യാപക യൂണിയന് പ്രതിനിധികളും മാനവ വിഭവശേഷി മന്ത്രാലയ സെക്രട്ടറിയുമായി നടത്തിയ ചര്ച്ച നേരത്തെ പരാജയപ്പെട്ടിരുന്നു. ജഗദീഷ് കുമാറിനെ മാറ്റണമെന്ന വിദ്യാര്ത്ഥികളുടെ ആവശ്യം നാളെ ചര്ച്ച ചെയ്യാമെന്ന് കേന്ദ്രസര്ക്കാര് നിലപാടെടുത്തതാണ് ചര്ച്ച പരാജയപ്പെടാന് പ്രധാന കാരണം. വിസി രാജിവയ്ക്കാതെ സമരത്തില് നിന്ന് പിന്മാറുന്ന പ്രശ്നമില്ലെന്ന് വിദ്യാര്ത്ഥി യൂണിയന് പ്രസിഡന്റ് ഐഷി ഘോഷ് അടക്കമുള്ളവര് പറഞ്ഞു..
വൈസ് ചാന്സലര് സ്ഥാനത്ത് നിന്ന് ജഗദീഷ് കുമാര് രാജിവയ്ക്കുന്നത് വരെ സമരവുമായി മുന്നോട്ട് പോകുമെന്നും രാഷ്ട്രപതി ഭവനിലേക്ക് മാര്ച്ച് ടത്തുമെന്നും ഐഷി അറിയിച്ചിരുന്നു,
ജനുവരി 5 ന് കാമ്ബസില് നടന്ന ആക്രമണത്തില് ഇതുവരെ പൊലീസ് ആരെയും അറസ്റ്റ് ചെയ്തിട്ടില്ല.
കാമ്ബസില് എത്തിയ മുഖംമൂടി സംഘം തന്നെ വധിക്കാന് ശ്രമിച്ചെന്ന വിദ്യാര്ത്ഥി യൂണിയന് അദ്ധ്യക്ഷ ഐഷി ഘോഷ് പൊലീസില് പരാതി നല്കിയിരുന്നു. എന്നാല് പരാതിയില് പൊലീസ് ഇതുവരെ കേസ് എടുത്തിട്ടില്ല. അതേ സമയം ആക്രമണവുമായി ബന്ധപ്പെട്ട് 11 പരാതികള് കിട്ടിയെന്നും ഇവ ക്രൈം ബ്രാഞ്ചിന്റെ പ്രത്യേക അന്വേഷണ സംഘത്തിന് കൈമാറിയെന്നും ഡല്ഹി പൊലീസ് അറിയിച്ചു. ആക്രമണത്തില് പരിക്കേറ്റ അദ്ധ്യാപിക സുചിത്രാ സെന്നും പരാതി നല്കിയിട്ടുണ്ട്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !