ഗവർണർ അതിര് കടന്നു, മുഖ്യമന്ത്രി എന്തുകൊണ്ട് പ്രതികരിക്കുന്നില്ലെന്നും ചെന്നിത്തല

ഗവർണർ ആരിഫ് മുഹമ്മദ് ഖാനെതിരെ രൂക്ഷ വിമർശനവുമായി പ്രതിപക്ഷ നേതാവ് രമേശ് ചെന്നിത്തല. ഗവർണർ അതിര് കടന്നു. സാധാരണ രാഷ്ട്രീയ പ്രവർത്തകരെ പോലെയാണ് ഗവർണർ സംസാരിക്കുന്നത്. പദവിയുടെ മഹത്വം മനസ്സിലാക്കാതെ ഗവർണർ പ്രവർത്തിച്ചിട്ടും മുഖ്യമന്ത്രി പ്രതികരിക്കാത്തത് ദുരൂഹമാണെന്നും ചെന്നിത്തല ആരോപിച്ചു

ബിജെപിയുടെ ഏജന്റിനെ പോലെ സംസ്ഥാന പ്രസിഡന്റിനെ പോലെ ഗവർണർ പ്രവർത്തിക്കുന്നത് ശരിയല്ല. ഇതു കേരളത്തിൽ ഇതുവരെയുണ്ടാകാത്ത നടപടിയാണ്. പൗരത്വ നിയമഭേദഗതിയുമായി ബന്ധപ്പെട്ട് കേരളത്തിലെ ജനങ്ങളുടെ ഭൂരിപക്ഷ അഭിപ്രായമാണ് നിയമസഭയിൽ പ്രതിഫലിച്ചത്.

പൗരത്വ നിയമഭേദഗതിക്കെതിരെ കേരളത്തിലെ പതിനാല് ജില്ലകളിലും യുഡിഎഫ് മനുഷ്യഭൂപടം നിർമിക്കും. ഭരണഘടന സംരക്ഷണ സമിതി രൂപീകരിക്കുമെന്നും ചെന്നിത്തല പറഞ്ഞു.

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp  ഗ്രൂപ്പിൽ അംഗമാവുക !