ബെയ്ജിങ്: കൊറോണ ബാധിച്ച് ചൈനയില് മരിച്ചവരുടെ എണ്ണം 304 ആയി. 14000 പേര്ക്കാണ് ഇതുവരെ രോഗബാധ സ്ഥിരീകരിച്ചത്. ശനിയാഴ്ച മാത്രം 2590 പേര്ക്ക് രോഗബാധ സ്ഥിരീകരിച്ചിരുന്നു. മരിച്ചവരില് ഏറെപ്പേരും ഹൂബൈ പ്രവിശ്യയില് നിന്നുള്ളവരാണ്.
വുഹാന് പ്രഭവകേന്ദ്രമായ കൊറോണ ഇതുവരെ 27 രാജ്യങ്ങളിലേക്ക് വ്യാപിച്ചിട്ടുണ്ട്. ചൈനയ്ക്ക് പുറത്ത് നൂറിലധികം പേര്ക്കാണ് കൊറോണ സ്ഥിരീകരിച്ചതെങ്കിലും മരണം റിപ്പോര്ട്ട് ചെയ്തിട്ടില്ല. യു.എസില് എട്ടുപേര്ക്ക് രോഗബാധ സ്ഥിരീകരിച്ചചതായാണ് റിപ്പോര്ട്ട്.
വുഹാനിലും സമീപപ്രദേശങ്ങളിലും പ്രതിരോധ നടപടികള് ഊര്ജിതമാക്കിയെങ്കിലും രോഗബാധ നിയന്ത്രിക്കാനായില്ലെന്ന് ചൈനീസ് അധികൃതര് സമ്മതിക്കുന്നു. ലോകരാജ്യങ്ങള് യാത്രാവിലക്കും മറ്റും ഏര്പെടുത്തിയതിനാല് ഏതാണ്ട് ഒറ്റപ്പെട്ട അവസ്ഥയിലാണ് ചൈന.
കൊറോണ വൈറസ് പ്രതിരോധനടപടികളുടെ ഭാഗമായി യുഎസ്സും ആസ്ത്രേലിയയും ചൈന സന്ദര്ശിച്ചവര്ക്ക് വിലക്കേര്പ്പെടുത്തിയിട്ടുണ്ട്. ഇറ്റലി ഇവര്ക്ക് ആറ് മാസത്തേക്ക് പ്രത്യേക കരുതല് പ്രഖ്യാപിച്ചു.
രോഗബാധയുടെ പശ്ചാത്തലത്തില് കേരളത്തില് 1793 പേര് നിരീക്ഷണത്തില് കഴിയുന്നുണ്ട്. വുഹാന് മേഖലയില് നിന്നും നേരത്തെ എത്തിയവരും ഇപ്പോള് എത്തിയവരും ഇതിലുള്പ്പെടും. ആശുപത്രികളിലെ ഐസോലേഷന് വാര്ഡുകളില് കഴിയുന്നത് 71 പേരാണ്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !