മിഴ്നാട്ടില് അവിനാശിയില് ഉണ്ടായ വാഹനാപകടവുമായി ബന്ധപ്പെട്ട് തമിഴ്നാട്ടിലെത്തി ആശ്വാസ പ്രവര്ത്തനങ്ങള് ഏകോപിപ്പിക്കാനായി രണ്ട് മന്ത്രിമാര് തിരുപ്പൂരിലേക്ക് തിരിക്കാന് മുഖ്യമന്ത്രി പിണറായി വിജയന് നിര്ദേശം നല്കി. ഗതാഗത മന്ത്രി എ.കെ ശശീന്ദ്രന്, കൃഷിമന്ത്രി വി.എസ്. സുനില്കുമാര് എന്നിവര്ക്കാണ് മുഖ്യമന്ത്രി നിര്ദേശം നല്കിയത്.
പരിക്കേറ്റവര്ക്ക് അടിയന്തര സഹായം നല്കാനും മരണമടഞ്ഞവരുടെ മൃതദേഹങ്ങള് എത്രയും വേഗം നാട്ടില് എത്തിക്കാനും വേണ്ട സൗകര്യങ്ങള് ചെയ്യാന് പാലക്കാട് ജില്ലാ കലക്ടര്ക്കും മുഖ്യമന്ത്രി നിര്ദേശം നല്കി. അപകടത്തില്പ്പെട്ട കെ.എസ്.ആര്.ടി. സി ബസിലുള്ളവരുടെ വിവരങ്ങള് അറിയാന് 94950 99910 എന്ന ഹെല്ലൈന് നമ്ബറില് വിളിക്കാമെന്ന് മന്ത്രി എ.കെ. ശശീന്ദ്രന് അറിയിച്ചു. സംഭവ സ്ഥലത്തുള്ള പാലക്കാട് ഡി.ടി.ഒയുടെ നമ്ബറാണിത്.
ബംഗളൂരുവില്നിന്ന് എറണാകുളത്തേയ്ക്ക് വന്ന ബസാണ് അപകടത്തില്പ്പെട്ടത്. അപകടത്തില് 20 പേര് മരിച്ചു. പുലര്ച്ചെ മൂന്നരയ്ക്കാണ് കോയമ്ബത്തൂരിനടുത്ത് തിരുപ്പൂരിലേക്ക് പ്രവേശിക്കുന്ന അവിനാശിയില് വച്ച് കെ.എസ്.ആര്.ടി.സി ബസ് അപകടത്തില് പെട്ടത്. 10 പേര് സംഭവ സ്ഥലത്തുവെച്ചുതന്നെ മരിച്ചു. അഞ്ച് സ്ത്രീകളും 11 പുരുഷന്മാരുമാണ് മരിച്ചത്. 23 പേര്ക്ക് പരിക്കേറ്റുവെന്നാണ് വിവരം.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !