ഡല്ഹിയില് തങ്ങളെ വിജയിപ്പിച്ച ജനത്തിന് നന്ദി അറിയിച്ച് അരവിന്ദ് കേജ്രിവാള്. 'മൂന്നാം വട്ടവും ആം ആദ്മിപാര്ട്ടിയില് വിശ്വസിച്ച ജനങ്ങള്ക്ക് നന്ദി. ഇത് എന്നെ മകനായി കണ്ട് വോട്ട് നല്കിയ ജനങ്ങളുടെ വിജയമാണ്.' - അരവിന്ദ് കേജ്രിവാള് പറഞ്ഞു.
വിജയത്തിലേക്ക് കുതിക്കുന്ന ആം ആദ്മി പാര്ട്ടിയുടെ സ്ഥാനാര്ത്ഥികളും നേതാക്കളുമെല്ലാം പ്രതികരണങ്ങളുമായി രംഗത്തെത്തിയിട്ടുണ്ട്. യഥാര്ത്ഥ രാജ്യസ്നേഹം ജനങ്ങള്ക്ക് വേണ്ടി പ്രവര്ത്തിക്കുന്നതാണെന്ന് ആം ആദ്മി നേതാവും ഡല്ഹി ഉപമുഖ്യമന്ത്രിയുമായ മനീഷ് സിസോദിയ പറഞ്ഞു. തങ്ങളുടെ ഭരണരീതി ജനം അംഗീകരിച്ചു കഴിഞ്ഞുവെന്ന് സൗരഭ് ഭര്ദ്വാജ് പറഞ്ഞു.
അരവിന്ദ് കേജ്രിവാളിനെ അഭിനന്ദിച്ച് കോണ്ഗ്രസ് നേതാവ് അധീര് രഞ്ജന് ചൗധരി, മുഖ്യമന്ത്രി പിണറായി വിജയന് അടക്കമുള്ള നേതാക്കള് രംഗത്തെത്തി. ആം ആദ്മി പാര്ട്ടി നേടിയ വിജയം ബിജെപി സര്ക്കാരിന്റെ നയങ്ങള്ക്കെതിരെയുള്ള പോരാട്ടത്തിന് കരുത്ത് പകരുമെന്ന് മുഖ്യമന്ത്രി പിണറായി വിജയന് പറഞ്ഞു. കേജ്രിവാളിന്റെ നേതൃത്വത്തില് രാജ്യത്തിന് ആവേശം പകരുന്ന വിജയമാണ് നേടാനായതെന്നും അദ്ദേഹം പറഞ്ഞു.
നിലവില് പുറത്തുവരുന്ന ഫലമനുസരിച്ച് ആം ആദ്മി പാര്ട്ടി 63 സീറ്റുകളിലാണ് ലീഡ് ചെയ്യുന്നത്. ബിജെപി ഏഴ് സീറ്റുകളിലും ലീഡ് ചെയ്യുന്നുണ്ട്. കോണ്ഗ്രസിന് ഒരു സീറ്റ് പോലും നേടാനായില്ല.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !