കോട്ടയം: കൊറോണ വൈറസ് ബാധിച്ച് കോട്ടയം മെഡിക്കല് കോളേജ് ആശുപത്രിയില് ചികിത്സയില് കഴിയുന്ന രോഗിയുടെ നില ഗുരുതരമായി തുടരുന്നു. 85 വയസുള്ള സ്ത്രീയുടെ നിലയാണ് ഗുരുതരമായി തുടരുന്നത്. നിലവില് നാല് പേരാണ് വൈറസ് ബാധിച്ച് മെഡിക്കല് കോളജില് ചികിത്സയില് കഴിയുന്നത്. ഇറ്റലിയില് നിന്ന് എത്തിയവരുടെ മാതാപിതാക്കളും അവരുടെ മകളും മരുമകനുമാണ് ചികിത്സയിലുള്ളെതെന്ന് ആരോഗ്യവകുപ്പ് അറിയിച്ചു .
ഇതില് മാതാവിന്റെ നിലയാണ് ഗുരുതരമായി തുടരുന്നത് . ഇവര്ക്ക് ഹൃദയസംബന്ധമായ അസുഖങ്ങള് ഉണ്ടായിരുന്നു. ഇപ്പോള് ആവശ്യമുള്ള എല്ലാ വൈദ്യസഹായങ്ങള് അവര്ക്ക് നല്കിവരികയാണെന്ന് ഡോക്ടര്മാര് വ്യക്തമാക്കി. ഇവര് നാല് പേരെ കൂടാതെ 10 പേര് കോട്ടയത്ത് ഐസോലേഷന് വാര്ഡില് കഴിയുന്നുണ്ട് .
ഇവരുടെ പരിശോധന ഫലം ഉടന് ലഭിക്കും . അതേസമയം, സംസ്ഥാനത്ത് ഇന്നലെ മാത്രം എട്ട് പേര്ക്ക് കൂടി കൊവിഡ് 19 സ്ഥിരീകരിച്ചതോടെ അതീവജാഗ്രതിയിലാണ് കേരളം. ഇതുവരെയുള്ള കണക്ക് പ്രകാരം ആകെ രോഗ ബാധിതരുടെ എണ്ണം 14 ആയി . കൊച്ചിയില് രോഗബാധിതനായ മൂന്ന് വയസുകാരന്റെ മാതാപിതാക്കള്ക്ക് വൈകിട്ടോടെ രോഗം സ്ഥിരീകരിച്ചതോടെയാണ് എണ്ണം 14 ആയത്. കോട്ടയത്ത് നാലും പത്തനംതിട്ടയില് 7 പേര്ക്കും എറണാകുളത്ത് 3 പേര്ക്കുമാണ് രോഗം സ്ഥിരീകരിച്ചിട്ടുള്ളത്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !