ഐ എസ് എല്ലിൽ ഈ സീസണിൽ ഇതുവരെ പരാജയമറിയാതിരുന്ന ഏക ടീമായ ബെംഗളൂരു എഫ് സിയും പരാജയം അറിഞ്ഞിരിക്കുകയാണ്. ഇന്ന് എ ടി കെ മോഹൻ ബഗാൻ ബെംഗളൂരു എഫ് സിയുടെ അപരാജിത കുതിപ്പിന് അവസാനം കുറിച്ചത്. മറുപടിയില്ലാത്ത ഒരു ഗോളിനായിരുന്നു എ ടി കെ മോഹൻ ബഗാന്റെ വിജയം. അധികം അവസരങ്ങൾ ഒന്നും സൃഷ്ടിക്കപ്പെടാതിരുന്ന മത്സരമാണ് ഇന്ന് ഗോവയിൽ കണ്ടത്.
ആദ്യ പകുതിയിൽ ഡേവിഡ് വില്യംസ് ആണ് എ ടി കെയ്ക്ക് ലീഡ് നൽകിയത്. പെനാൾട്ടി ബോക്സിൽ ബെംഗളൂരു എഫ് സി ഡിഫൻസിനെ ആകെ കബളിപ്പിച്ച് ആയിരുന്നു വില്യംസ് ഷോട്ട് തൊടുത്തത്. വില്യംസിന്റെ ഈ സീസണിലെ ആദ്യ ഗോളാണിത്. ബെംഗളൂരു എഫ് സി നിരയിൽ പരിക്ക് കാരണം ആശിഖ് കുരുണിയൻ ഇന്ന് ഉണ്ടായിരുന്നില്ല. അതിന്റെ കുറവ് ആ ടീമിൽ വ്യക്തവുമായിരുന്നു. മലയാളി യുവതാരം ലിയോൺ അഗസ്റ്റിൻ മത്സരത്തിന്റെ രണ്ടാം പകുതിയിൽ സബ്ബായി ബെംഗളൂരുവിനായി കളത്തിൽ ഇറങ്ങി.
ഇന്നത്തെ വിജയം എ ടി കെ മോഹൻ ബഗാനെ പോയിന്റ് നിലയിൽ ലീഗിൽ ഒന്നാമതുള്ള മുംബൈ സിറ്റിക്ക് ഒപ്പം എത്തിച്ചു. മുംബൈക്കും എ ടി കെയ്ക്കും 16 പോയിന്റ് വീതമാണ് ഉള്ളത്. 12 പോയിന്റുമായി ബെംഗളൂരു എഫ്സി ലീഗിൽ മൂന്നാമത് നിൽക്കുന്നു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !