കോഴിക്കോട് ഷിഗല്ല രോഗലക്ഷണം ബാധിച്ചവരുടെ എണ്ണം അന്പത് കടന്നു. ഇതേ തുടര്ന്ന് ആരോഗ്യവകുപ്പ് അതീവ ജാഗ്രതാ നിര്ദേശവുമായി രംഗത്തെത്തി. വീടുകള് കയറിയുള്ള പ്രതിരോധ പ്രവര്ത്തനങ്ങളാണ് നടക്കുന്നത്. രോഗം പടര്ന്നുപിടിക്കാനുള്ള സാഹചര്യം ഒഴിവാക്കുകയാണ് ലക്ഷ്യം.
കോഴിക്കോട് കോട്ടാംപറമ്ബില് പതിനൊന്ന് വയസുള്ള കുട്ടി ഷിഗല്ല ബാധിച്ച് മരിച്ചിരുന്നു. ഇതിന് പിന്നാലെ പ്രദേശത്തെ 120 കിണറുകളില് സൂപ്പര് ക്ലോറിനേഷന് നടത്തി. കടലുണ്ടി, ഫറോക്ക്, പെരുവയല്, വാഴൂര് പ്രദേശങ്ങളിലും ഷിഗല്ല കേസുകള് റിപ്പോര്ട്ട് ചെയ്തിട്ടുണ്ട്.
ഇവിടങ്ങളില് ഒരാഴ്ച തുടര്ച്ചയായി ആരോഗ്യ പ്രവര്ത്തകരുടെ നേതൃത്വത്തില് പ്രതിരോധ പ്രവര്ത്തനങ്ങള് നടത്തും. ശനിയാഴ്ച കോട്ടാംപറമ്ബില് പ്രത്യേക മെഡിക്കല് ക്യാമ്ബ് സംഘടിപ്പിച്ചിരുന്നു.
കോഴിക്കോട് ഷിഗല്ല സ്ഥിരീകരിച്ചത് കഴിഞ്ഞ ദിവസമാണ്. തുടക്കത്തില് അഞ്ച് പേര്ക്കായിരുന്നു രോഗലക്ഷണം. പിന്നീട് കൂടുതല് പേര്ക്ക് രോഗലക്ഷണം കണ്ടെത്തുകയായിരുന്നു. രോഗവാഹകരായ ബാക്ടീരിയ വെള്ളത്തില് കലരുന്നത് മനുഷ്യ വിസര്ജ്ജ്യത്തില് നിന്നാണ്. മുതിര്ന്നവരേക്കാള് കുട്ടികളെയാണ് രോഗം ഗുരുതരമായി ബാധിക്കുന്നത്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !