നേമത്ത് മത്സരിക്കണമെന്ന ഹൈക്കമാന്ഡ് നിര്ദ്ദേശം തള്ളി ഉമ്മന്ചാണ്ടി. പുതുപ്പള്ളി വിടാന് താത്പര്യമില്ലെന്ന് ഉമ്മന്ചാണ്ടി വ്യക്തമാക്കി. പുതുപ്പള്ളി ഇല്ലെങ്കില് മത്സരിക്കാനില്ലെന്നാണ് തീരുമാനമെന്നും ഉമ്മന്ചാണ്ടി ഹൈക്കമാന്ഡിനെ അറിയിച്ചു. രമേശ് ചെന്നിത്തലയോ കെ. മുരളീധരനോ നേമത്ത് മത്സരിക്കുന്നതില് തനിക്ക് എതിര്പ്പ് ഇല്ലെന്നും ഉമ്മന്ചാണ്ടി പ്രതികരിച്ചു. കെ. ബാബു അടക്കം താന് നിര്ദ്ദേശിച്ചവരെല്ലാം വിജയസാധ്യതയുള്ളവരാണെന്നാണ് ഉമ്മന്ചാണ്ടിയുടെ കടുംപിടുത്തം.
തനിക്ക് തിരിച്ചടി നല്കാനുള്ള ശ്രമത്തിന്റെ ഭാഗമായാണ് നേമത്തേക്ക് എത്തിക്കാന് നോക്കുന്നത് എന്ന വിലയിരുത്തലിലാണ്. മാധ്യമങ്ങളില് അടക്കം വാര്ത്ത വന്നതിന് പിന്നില് ചില താത്പര്യങ്ങളുണ്ടെന്നാണ് ഉമ്മന്ചാണ്ടി കരുതുന്നത്. ബിജെപിക്ക് എതിരെയുള്ള പോരാട്ടത്തിന് സംസ്ഥാന വ്യാപകമായി ശക്തി പകരാന് ഉമ്മന്ചാണ്ടിയോ കെ. മുരളീധരനോ നേമത്ത് നിന്ന് മത്സരിക്കണമെന്നാണ് ഹൈക്കമാന്ഡ് പറഞ്ഞിരുന്നത്. എന്നാല് ഇതിന് ഉമ്മന്ചാണ്ടി തയാറല്ല. പുതുപ്പള്ളിയില് അല്ലാതെ മത്സരിക്കാന് തയാറല്ലെന്നാണ് ഉമ്മന്ചാണ്ടിയുടെ നിലപാട്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !